Vashıngton qalasynda Qazaqstan delegasııasynyń sapary barysynda Dúnıejúzilik bank shtab-páterinde «Qaraǵandy – Jezqazǵan» avtojolyn salýǵa qarjylandyrý týraly kelisimge qol qoıyldy. Joba eldiń kólik ınfraqurylymyn damytýǵa baǵyttalǵan mańyzdy bastamalardyń biri retinde qarastyrylyp otyr, dep habarlaıdy Egemen.kz.
Kelisim «QazAvtoJol» UK AQ, Halyqaralyq qaıta qurý jáne damý banki jáne Azııa ınfraqurylymdyq ınvestısııalar banki arasynda jasaldy.
Joba aıasynda kólik ınfraqurylymyn damytý, tranzıttik áleýetti arttyrý jáne óńirler arasyndaǵy baılanystardy kúsheıtý kózdelgen. Sondaı-aq jańa joldyń iske qosylýy jol júrý ýaqytyn edáýir qysqartyp, qozǵalys qaýipsizdigin arttyrýǵa jáne Ortalyq Qazaqstannyń damýyna qosymsha serpin berýge múmkindik beredi.
Dúnıejúzilik bank qarajaty qandaı jobalarǵa jumsalady?
Qazirgi ýaqytta konkýrs rásimderi aıaqtalý satysynda tur. Joldyń jalpy uzyndyǵy 457 shaqyrym, al nesıe somasy 650 mlrd teńgeni quraıdy. Bıyl joba aıasynda jobalaý jáne qurylys jumystary bastalady.
Joba sondaı-aq logıstıkany damytýǵa, óńirdiń ınvestısııalyq tartymdylyǵyn arttyrýǵa jáne jańa jumys oryndaryn qurýǵa yqpal etpek.
Jaýapty organdardyń málimetinshe, qurylys jumystary jaqyn ýaqytta bastalady.
Qazaqstan Dúnıejúzilik bankpen jańa jobalardy iske asyrýǵa nıetti