Qazaqstan Tájistanǵa eksporttalatyn astyq kólemin 1,3 mıllıon tonnaǵa jetkizýge múddeli. Bul jóninde taraptar Astanada ótken kezdesý barysynda málimdedi, dep habarlaıdy Egemen.kz.
«Azyq-túlik kelisimshart korporasııasy» aksıonerlik qoǵamy men Tájikstan Respýblıkasy Úkimeti janyndaǵy Memlekettik materıaldyq rezervter agenttigi azyq-túlik jetkizý salasyndaǵy ózara yntymaqtastyqty nyǵaıtýǵa ýaǵdalasty.
Parsy shyǵanaǵyndaǵy soǵystan munaı eksporty 44 paıyzǵa quldyraǵan
Qazirgi tańda Tájikstan ishki óndiris esebinen eldiń azyq-túlik qajettiliginiń shamamen 40 paıyzyn ǵana qamtamasyz etip otyr. Al Qazaqstan Tájikstannyń negizgi astyq jetkizýshileriniń biri sanalady. Aýyl sharýashylyǵy mınıstrliginiń málimetine súıensek, ótken jyly Qazaqstannan Tájikstanǵa jetkizilgen bıdaı kólemi 1,2 mıllıon tonnaǵa jetip, sońǵy bes jyldaǵy eń joǵary kórsetkishti qurady. Al Tájikstan tarapy aǵymdaǵy maýsymda 1,3 mıllıon tonnaǵa deıin astyq ónimderin ımporttaýdy josparlap otyr.
Taıaý Shyǵystaǵy daǵdarystyń Qazaqstan eksportyna áseri qandaı?
Tájikstan Respýblıkasynyń Memlekettik materıaldyq rezervter agenttiginiń dırektory Nýrmahmad Ahmadzodanyń aıtýynsha, taraptar tek astyq emes, sondaı-aq un men kúnbaǵys maıyn jetkizý baǵytynda da yntymaqtastyqty keńeıtýge múddeli.
«Bizdiń yntymaqtastyǵymyzdyń bolashaǵy zor, óıtkeni azyq-túlik qaýipsizdigi kez kelgen memleket úshin árqashan aldyńǵy orynda turady. Biz tek astyq qana emes, sonymen qatar un men kúnbaǵys maıyn jetkizýge de múddelimiz», dedi Nýrmahmad Ahmadzoda.
О́z kezeginde «Azyq-túlik kelisimshart korporasııasy» AQ basqarma tóraǵasynyń birinshi orynbasary Ildar Ismagýlov kompanııanyń Tájikstanmen áriptestikti odan ári damytýǵa daıyn ekenin jetkizdi. Onyń aıtýynsha, seriktestik ózara senim men ortaq maqsattarǵa negizdelgen jáne korporasııa jetkizýdiń tıimdi tetikterin usynýǵa ázir.
Qazaqstan sıfrlyq qyzmetter eksportyn keńeıtedi
Nurbolat AMANBEK