Oblys ortalyǵyndaǵy Qazaqstan Respýblıkasynyń Tuńǵysh Prezıdenti N.Nazarbaev atyndaǵy ortalyq mádenıet jáne demalys saıabaǵynda oblystyq halyq shyǵarmashylyǵy úıi oblystyq mádenıet, muraǵattar jáne qujattama basqarmasynyń qoldaýymen Uly Jeńistiń 70 jyldyǵyna arnalǵan «Shyrqa, syrnaı, áýelep!» atty oblystyq syrnaıshylar festıvalin ótkizdi. Mýzykalyq is-sharanyń maqsaty – óskeleń urpaqqa surapyl soǵystaǵy maıdangerdiń erligi men batyldyǵyn jetkizý, olardyń ómiriniń qurmetke laıyq ekendigin jastarǵa nasıhattaý jáne elimizdiń tarıhyn bilip, tanýǵa beıimdeý bolyp tabylady.
Festıvaldiń ashylý saltanatynda oblystyq mádenıet, muraǵattar jáne qujattama basqarmasy basshysynyń orynbasary Qydyrǵalı Ermuqan sóz sóılep, ónerpazdarǵa shyǵarmashylyq shabyt, óner jolynda tabys tiledi. О́ner merekesine jas erekshelikteri 10 – 65 aralyǵyndaǵy oblystyń Alǵa, Mártók, Temir, Qobda, Áıteke bı, Yrǵyz aýdandarynan jáne Aqtóbe qalasynan 25-ten astam syrnaıshylar qatysty. Olardyń arasynda óńirge belgili ónerpaz Muqan Satybaev, Aqtóbe ferroqorytpa zaýytynyń jumysshysy Iаkýb Abylaev, Aqtóbe qalasynyń №3 balalar mýzyka mektebiniń oqýshylary Aslan Ádilkereev, Alena Oleınık, Egor Martynıýk, belgili kompozıtor Baqtyǵalı Jumalın, gýmanıtarlyq kolledjiniń stýdentteri Erdáýlet Tájibaı jáne Almat Rashıd, Mártók aýdany Qaratoǵaı orta mektebinen Dana Kýlcharova jáne basqalary bar. «Shyrqa, syrnaı, áýelep!» oblystyq syrnaıshylar festıvalinde qalalyq mýzyka mektepteriniń, orta arnaýly oqý oryndarynyń stýdentteri men kásibı jáne áýesqoı mýzykanttar óz ónerlerin ortaǵa saldy. Ortalyq mádenıet jáne demalys saıabaǵynyń sahnasynan soǵys jyldaryndaǵy ándermen qatar áskerı jáne patrıottyq taqyryptaǵy shyǵarmalar shyrqaldy. Festıval barysynda tarıhqa taǵzym, rýh pen jiger beretin, erlikti ulyqtaıtyn, týǵan ólkege degen sezimderge toly, halyq súıip tyńdaıtyn «Ana týraly ballada», «Katıýsha», «Sınıı platochek» ánderimen qatar L.Hamıdı, A.Jubanov, Sh.Qaldaıaqovtyń shyǵarmalary oryndaldy. Merekelik baǵdarlamada jeke oryndaýshylarmen qatar Aqtóbe qalalyq «Geolog» mádenıet úıiniń «Asyl ájeler» halyqtyq ansambli, Alǵa aýdandyq balalar óner mektebiniń orys halyq aspaptar ansambli jáne basqalary óner kórsetti. Syrnaıshylar festıvali kórermenderge kóterińki kóńil-kúı syılady. Festıvalǵa qatysýshy ónerpazdar arnaıy dıplomdarmen jáne baǵaly syılyqtarmen marapattaldy.
Satybaldy SÁÝIRBAI, «Egemen Qazaqstan».
Aqtóbe oblysy.