Premer-mınıstr Oljas Bektenov Úkimet janyndaǵy quqyqbuzýshylyq profılaktıkasy jónindegi vedomstvoaralyq komıssııanyń otyrysyn ótkizdi. Onda referendýmda qabyldanǵan Konstıtýsııanyń normalaryn sapaly jáne jedel engizýdi qamtamasyz etý úshin «Zań men Tártip» qaǵıdatyn bekitý máseleleri qaraldy, dep habarlaıdy Egemen.kz.
Premer-mınıstr atap ótkendeı, Vedomstvoaralyq komıssııanyń aldaǵy jumysy «Zań men Tártip» konstıtýsııalyq qaǵıdatyn júzege asyrýǵa jáne berik ornyqtyrýǵa baǵyttalady.
Berik Asylov: «Zań men tártip» qaǵıdaty jańa Konstıtýsııa jobasynda irgeli qundylyqqa aınalady
Memleket basshysynyń tapsyrmasymen ázirlengen Qoǵamdyq qaýipsizdikti qamtamasyz etý tujyrymdamasyn qoǵammen seriktestikte júzege asyrý barysy týraly ishki ister mınıstri Erjan Sadenov baıandady. Premer-mınıstrdiń orynbasary – Mádenıet jáne aqparat mınıstri Aıda Balaeva, Premer-mınıstrdiń orynbasary – Jasandy ıntellekt jáne sıfrlyq damý mınıstri Jaslan Mádıev, Qarjy mınıstri Mádı Takıev, sondaı-aq Jambyl jáne Aqtóbe oblystarynyń ákimderi sóz sóıledi.
Tujyrymdama memlekettik organdar men azamattyq qoǵam ınstıtýttarynyń quqyqbuzýshylyqtardyń aldyn alýdyń tutas júıesin qalyptastyrýdaǵy kúsh-jigerin shoǵyrlandyrýǵa baǵyttalǵan. Onyń negizgi elementteri – erte eskertý, vedomstvoaralyq ózara is-qımyl jáne qaýipsizdik ınfraqurylymyn damytý.
Zań men tártip jolyndaǵy bes jyl
Tıisti is-qımyl jospary sheńberinde birqatar sharalar qabyldandy:
- Bıyl 2 naýryzdan bastap «Quqyqbuzýshylyq profılaktıkasy týraly» jańa zań kúshine endi.- Internet-alaıaqtyqqa qarsy is-qımyl maqsatynda uıaly baılanys abonentterin bıometrııalyq sáıkestendirý engizildi, sondaı-aq BUU-nyń Kıberqylmysqa qarsy is-qımyl jónindegi konvensııasyna qol qoıyldy.- Turmystyq zorlyq-zombylyqqa qarsy is-qımyl jospary jáne agressorlarǵa psıhologııalyq kómek kórsetý Erejeleri bekitildi. О́tken jyly 1 myńǵa jýyq azamatqa psıhologııalyq túzetý taǵaıyndaldy.- Stalkıng pen nekege májbúrlegeni úshin qylmystyq jaýapkershilik engizildi.- Elektrondyq bilezikterdi qoldana otyryp, buryn sottalǵan adamdardyń minez-qulqyna baqylaýdy kúsheıtý jolymen resıdıvtik qylmystyń aldyn alý sharalary júzege asyryldy.IIM málimetteri boıynsha, jańa formattardy engizý jáne zańnamany jetildirý Qazaqstanda qylmys deńgeıiniń ótken jyly 6%-ǵa, osy jyldyń 1 toqsanynda 9%-ǵa tómendeýine yqpal etti.
Sonymen qatar, ishki ister mınıstri Erjan Sadenov Aqtóbe, Atyraý, Jambyl, Batys Qazaqstan, Qyzylorda, Mańǵystaý jáne Abaı oblystary ákimdikteri tarapynan sharalardy kúsheıtýdi talap etetin birqatar máselege toqtaldy. Atap aıtqanda, polısııa pýnktteriniń qurylysyn salý jáne rekonstrýksııalaý, jol qozǵalysy erejesin (JQE) buzý derekterin tirkeýdiń avtomatty júıelerin ornatý, baılanys ınfraqurylymyn damytý jáne taǵy da basqalar týraly aıtty.