Astanada ótken Halyqaralyq Araldy qutqarý qory quryltaıshy memleketter basshylarynyń sammıti qorytyndysy boıynsha 26 naýryz Aral teńizi, sondaı-aq Ámýdarııa men Syrdarııa ózenderiniń halyqaralyq kúni bolyp belgilendi, dep habarlaıdy Egemen.kz.
Keńes otyrysynda Sadyr Japarov, Emomalı Rahmon, Serdar Berdymýhamedov, Shavkat Mırzııoev sóz sóıledi. Sondaı-aq qordyń Atqarýshy komıtetiniń tóraǵasy Ashat Orazbaı baıandama jasady.
Sammıt qorytyndysy boıynsha birqatar qujattarǵa qol qoıyldy:
– Qazaqstan Respýblıkasynyń Halyqaralyq Araldy qutqarý qoryndaǵy tóraǵalyǵynyń barysy týraly;
– Qor prezıdentin saılaý týraly;
– Quryltaıshy memleketter basshylarynyń Astana deklarasııasy.