Prezıdent Qasym-Jomart Toqaev Alem.ai halyqaralyq jasandy ıntellekt ortalyǵynda birqatar bilim berý bastamasyn iske qosý rásimine qatysty, dep habarlaıdy Egemen.kz.
Prezıdenttiń tapsyrmasymen 2024 jyly Astana Hub janynan Tomorrow School jasandy ıntellekt mektebi qurylǵan bolatyn. Endi onyń tabysty tájirıbesi el kóleminde taratylmaq.
Memleket basshysy telekópir arqyly 14 óńirdegi Tomorrow School mektepteriniń jelisin ashty.
Prezıdent Alem.ai halyqaralyq jasandy ıntellekt ortalyǵyn aralap kórdi
Bul mektepte kámelet jastan asqan, sonyń ishinde aqparattyq tehnologııa salasyna jańa qadam basqan azamattar tegin bilim alady.
Sondaı-aq sıfrlyq jáne shyǵarmashylyq daǵdylardy meńgergisi keletin 12-18 jas aralyǵyndaǵy balalar men jasóspirimderge arnalǵan TUMO Astana kreatıvti tehnologııalar ortalyǵy ashyldy.
Munda generatıvti jasandy ıntellekt, baǵdarlamalaý, oıyn oılap tabý, anımasııa, 3D-modeldeý, robotty tehnıka, kınoónim jáne sıfrlyq mýzyka sekildi 11 tehnıkalyq jáne kreatıvti baǵyt boıynsha bilim beriledi.