Qazaqstanda memlekettik qyzmetterdi sıfrlandyrý nátıjesinde Halyqqa qyzmet kórsetý ortalyqtaryna túsetin júkteme 35%-ǵa azaıǵan. Bul óz kezeginde aldaǵy ýaqtty qyzmetkerler sanyn ońtaılandyrý máselesin kún tártibine shyǵarýy múmkin. Bul týraly Jasandy ıntellekt jáne sıfrlyq damý vıse-mınıstri Rostıslav Konıashkın málimdedi, dep habarlaıdy Egemen.kz.
Úkimet brıfınginde jańa sıfrlyq servıs – jeke kýálikti onlaın qaıta shyǵarý kezindegi fotosýret máselesi kóterildi. Kóptegen azamat úıden túsken fotony júıeniń qabyldamaıtynyna shaǵymdanǵan. Vıse-mınıstr bul olqylyqty moıyndap, sebebin túsindirdi:
«Qyzmet qazir pılottyq formatta jumys istep tur. Fotosýret sapasyn taldaıtyn jasandy ıntellekt modeli áli de oqytý satysynda».
164 mln teńge shyǵyn: Almatyda júk kólikterin zańsyz tirkegen HQKO-nyń qyzmetkerleri sottaldy
Vıse-mınıstrdiń aıtýynsha, qazirgi ýaqytta onlaın ótinishterdiń tek 50%-y ǵana sátti ótip jatyr. Júıeni tolyq qalypqa keltirý úshin taǵy birneshe aı qajet bolýy múmkin.
«Qazirdiń ózinde 10-ǵa jýyq mańyzdy memlekettik qyzmet tolyq sıfrlandyryldy. HQKO operatorlaryna túsetin júkteme ótken jylmen salystyrǵanda 30-35%-ǵa tómendedi», dedi ol.
HQKO-larda kezek azaıdy: Qandaı qyzmetterdi onlaın alýǵa bolady?Qyzmetkerlerdi qysqartý máselesine qatysty Rostıslav Konıashkın naqty toqtaldy. Onyń aıtýynsha, qazirgi sátte qyzmetkerlerdi jappaı jumystan shyǵarý josparda joq. Eger halyqtyń HQKO-ǵa barý kórsetkishi azaıa berse, memleket shtatty qysqartý máselesine qarastyrýy múmkin.