Halyqqa «Habar» arnasynda kórermen nazaryna usynylǵan «Uıat bolmasyn» baǵdarlamasy arqyly tanylǵan akter Bekjan Turystyń uly Maǵjan Asaýbaı «KeshREC» baǵdarlamasyna suhbat berip, búginde nemen aınalysyp júrgenin aıtty, dep jazady Egemen.kz.
Maǵjan Asaýbaı suhbat barysynda «Uıat bolmasyn» baǵdarlamasyna qalaı kelgenin aıtyp berdi.
«Men aýylda ósken balamyn. Demalysta ákem qalaǵa qydyrtýǵa alyp kelgen kez bolatyn. Jol túsip «Habar» arnasyna kelgende baǵdarlamalarǵa akterlerdi iriktep ári balalarǵa da kastıng bolyp jatyr eken. Arnaıy jasaqtalǵan stýdııada aýylda kórip júrgen taýyq, kúshik barlyǵy bar eken. Qalalyq balalar olardan qorqyp, ımenip turǵanda men erkin taýyqtardy qýalap, kúshikti jelkesinen ustap alǵanmyn. Sol áreketterime qyzyqqan rejısser Murat Bıdosov aǵamyz ben Serik Abas-shah aǵamyz meni baǵdarlamaǵa alyp, kastıngten aıaq asty ótip ketkem», dedi akter Maǵjan Asaýbaı.
Keıinnen Maǵjannyń óner jolynda júrýine ata-anasy qarsylyq bildirip, ol tehnıkalyq mamandyqty meńgerip shyǵady. Dese de sońynda ónerge, shyǵarmashylyqqa degen talpynysy jeńip, Maǵjan Asaýbaı óner akademııasyn támamdaıdy. Al búginde ol – M. Áýezov atyndaǵy Qazaq memlekettik akademııalyq drama teatrynyń jas akteri.