Euronews Academy, «Medıa damytý qory» KQ jáne Maqsut Narikbaev University birlesip uıymdastyrǵan «Medıa tehnologııalar» kýrsy máresine jetti, dep habarlaıdy Egemen.kz.
Euronews-tiń grek qyzmetiniń jetekshisi ári Tashkenttegi bıýro basshysy, tanymal medıamenedjer Akis Tatsis Astanaǵa arnaıy kelip, dáris oqydy. Ol óziniń kásibı tájirıbesinen alynǵan qundy ınsaıttaryn bólisti.
Baǵdarlama aıasyndaǵy «Halyqaralyq jobalardy basqarý jáne prodıýserleý» modýli qatysýshylardyń erekshe qyzyǵýshylyǵyn týdyryp, naqty keıster arqyly tájirıbege baǵyttalǵan bilim usyndy. Sabaqtarda halyqaralyq medıa jobalardy júzege asyrýdyń naqty úlgileri, ártúrli naryqtarǵa kontentti beıimdeý joldary jáne komandalyq jumysty tıimdi uıymdastyrý tásilderi keńinen qarastyryldy.