QYZYLORDA. 17 tamyz. Qyzylorda oblysynda qyrylǵan maldyń ótemaqysy tólenip jatyr. Bul týraly egemen.kz tilshisi habarlady. Shildeniń basynda Jańaqorǵan aýdanyna qarasty 5 sharýa qojalyǵynda myńnan astam qoı shyǵynǵa ushyraǵan bolatyn. Osynyń saldarynan aýdanda tótenshe jaǵdaı jarııalanyp, aýyrǵan maldardy oqshaýlaý, emdeý sharalary júzege asyryldy. Indet oshaǵynda zertteý-saraptaý jumystaryn júrgizgen veterınarlar maldyń qyrylýyna endotoksımııa jáne pasterellez indeti sebep boldy degen qorytyndy jasady. Qazirgi tańda aýrý maldardy sanıtarlyq soıýǵa jáne mal ıesine ótemaqy tóleýge jergilikti bıýdjetten 16 mıllıon teńge bólinip, qoldaǵy túliginen aıyrylǵan sharýalardyń shyǵyny ótelýde. Oblystyq veterınarııalyq baqylaý basqarmasynyń basshysy Ersultan Apetov sońǵy bir aptadaǵy tekseris boıynsha Besaryq, Kóbeldes sharýa qojalyqtarynda mal ólimi toqtaǵanyn aıtty. Basqarma tarapynan sharýa qojalyqtarynda shyǵynǵa ushyryǵan jáne aýyryp turǵan maldarǵa kúndelikti baqylaý jasalyp, tıisti emdeý sharalary ýaqytyly júrgizilýde. Erjan Baıtiles. Derek: egemen.kz. Sýret: kazgazeta.kz.