QYZYLORDA. 17 tamyz. Qyzylordalyq polıseıler azamattardan tárkilengen qarý, oq-dári jáne sýyq qarýlardy aınalymnan alyp tastaý maqsatynda qarý joıý naýqanyn ótkizdi. Bul týraly egemen.kz tilshisi habarlady.
Arnaıy maqsattaǵy tehnıkalyq komıssııa qurylyp, quramyna oblystyq ishki ister departamentiniń tıisti sala qyzmetkerleri men Qyzylorda oblystyq prokýratýrasynyń ókili qatystyryldy. 2015 jyldyń III toqsanynda joıylatyn qarýlarǵa jaramsyzdandyrý jumystary júrgizilip, nátıjesinde 90 birlik qarý, atap aıtqanda, 72 tegis uńǵyly qarý men 18 gazdy travmatıkalyq qarý joıyldy.
Aıta keterlik jaıt, osy jyly zańsyz aınalymnan alynǵan atys qarýlary 3-shi ret joıylyp otyr. Jyl basynan beri polısııa qyzmetkerlerimen 171 qarýǵa belgilengen tártipke saı joıý prosesi júrgizildi.
Erjan Baıtiles.
Derek: egemen.kz.
Sýret: vk34.ru.