Mádenıet mınıstrligi Til komıteti Sh.Shaıahmetov atyndaǵy tilderdi damytýdyń respýblıkalyq úılestirý ádistemelik ortalyǵynda “Memlekettik tildi úıretýdiń ǵylymı jáne ádistemelik máseleleri” degen taqyrypta ǵylymı-praktıkalyq semınar uıymdastyryldy. Semınardyń maqsaty, memlekettik tildi meńgertý barysyndaǵy olqylyqtardyń aldyn alyp, til úıretýdiń sapasyn arttyrýǵa yqpal etý.
Atalmysh is sharada Til komıtetiniń tóraǵasy Baýyrjan Omarov sóz alyp, memlekettik tildi úıretýdi jandandyrýda jańasha talap, qarymdyq qulshynys qajet. Barlyq oqý quraldaryn tıimdi paıdalanyp, olardy jetildirý máselesin de qolǵa alatyn ýaqyt jetti. Bul oraıda ádisker mamandardyń, eń aldymen ozyq tehnologııalardy qoldaný arqyly úıretý úlgilerin ázirleýge umtylýy tıis, dep, endigi jerde memlekettik tilge selqos qaraýǵa bolmaıtynyn atap ótti.
Bul basqosýǵa oblystyq, qalalyq jáne óńirlik til úıretý ortalyqtarynyń basshylary men ádisker-oqytýshylary, ǵalymdar men til salasynyń mamandary qatysty. Olar til úırenýge baılanysty qoıylyp otyrǵan talapty endigi jerde múltiksiz oryndaý kerektigin aıtyp, aldaǵy ýaqytta muny búkil jurtshylyq bolyp júzege asyrý qajet, dedi. Ásirese ınnovasııalyq turǵydan isti jandandyrý máselesin de qozǵap, tildi deńgeılik júıede úıretý isin, qazaqstandyq jáne eýropalyq standarttar negizinde qarastyrdy. Bir sózben aıtqanda, eń aldymen memlekettik qyzmetkerlerdiń memlekettik tildi meńgerý máselesin alǵa shyǵaryp, talapty kúsheıtý, talǵamdy arttyrý jaıyna basa nazar aýdardy.
Alýa AMANJOLOVA.