Sársenbi kúni Astanada “Turǵyn úı qurylys jınaq banki” AQ elordalyq fılıalynyń dırektory Murat Sháripov jýrnalıstermen baspasóz brıfıngin ótkizdi. Atalmysh kezdesý banktiń qurylǵanyna jeti jyl tolýyna arnaldy.
– Banktiń negizgi mindeti – elimizde turǵyn úı qurylys jınaq júıesin damytý jáne Otanymyzdyń barlyq óńirlerinde jurtshylyqtyń neǵurlym aýqymdy bóliginiń turǵyn úı qurylys jınaq júıesine teń dárejede qol jetimdiligin qamtamasyz etý, sonymen qatar jeke qarajattary men Banktiń turǵyn úı zaemdarynyń esebinen turǵyn jaǵdaılaryn jaqsartý úshin sapaly banktik qyzmet kórsetý bolyp tabylady.
Naryqqa qatysqan jeti jyl ishinde bank jaqsy nátıjelerge qol jetkizdi. 2003 jylǵy kórsetkishtermen salystyrǵanda, 7 jyl ishinde jasalǵan sharttar sany 2010 jylǵy 1 shildege deıingi esep boıynsha 302 mlrd. teńgege deıin kóbeıdi. Osy ýaqytqa deıin banktiń baspana jaǵdaıyn jaqsartýǵa baǵyttalǵan barlyǵy 21 myń turǵyn úı qurylys jınaq júıesiniń qatysýshysyna 66 mlrd. teńgeni quraıtyn aldyn ala, aralyq jáne turǵyn úı zaemdaryn bergenin aıta ketý kerek.
Elimizdegi turǵyn úı qurylys jınaq júıesi óniminiń tanymaldyǵyn arttyrýdyń neǵurlym joǵary qarqyny bank aktıvteriniń jyl saıyn orta eseppen 97 paıyzǵa ósý jaǵdaıynda 7 jyl ishinde 77,5 mlrd. teńgege deıin kóterildi. Kredıttik qarjy ústimizdegi jyly 50 mlrd. teńgeden asyp túsip, 2010 jyldyń 1 shildesinde 55 mlrd. teńgeni qurady. Bul depozıttik bazanyń 32,1 mlrd.teńgege deıin ósýine áser etti. Sonymen birge, negizinen alǵanda, banktiń jalǵyz aksıoneri tolyqtyrǵan qarajattardan turatyn Banktiń menshikti kapıtaly 2010 jylǵy 1 shildedegi esep boıynsha 18,7 mlrd. teńgeni qurady.
Jurtshylyq arasynda turǵyn úı qurylys jınaq júıesiniń talaptary boıynsha túsinikteme berý jumystary – táýelsiz marketıngtik saýalnamalardyń nátıjeleri boıynsha búginde bizdi halyqtyń 64 paıyzy biledi, 184 myńnan astam adamnyń bank klıentteri bolyp tabylýy da halyqtyń seniminiń kórinisi, – dep atap ótti BAQ ókilderine bergen suhbatynda Murat Tursynuly.
Sondaı-aq, ol búgingi tańda banktiń negizgi talaptary tikeleı turǵyn úı qurylys jınaq júıesi arqyly zaem berý tetikterin kózdeıtin elimizdegi turǵyn úı qurylysynyń 2008-2010 jyldarǵa arnalǵan memlekettik baǵdarlamasyn júzege asyrýdyń negizgi operatory bolyp tabylatyndyǵyn da nazardan tys qaldyrmady.
Ábdirahman QYDYRBEK.