AQTО́BE. 27 aqpan. Aqtóbede «Qaýipsiz qala» aksııasy uıymdastyrylyp, jergilikti polıseıler 1 388 ákimshilik quqyq buzýshylyqty anyqtady. Bul týraly egemen.kz tilshisi habarlady.
«Qaýipsiz qala» jedel-profılaktıkalyq is-shara barysynda qajetti quqyqtyq tártipti saqtaý, eskertý, qylmystardyń alyn alý, «múldem tózbeýshilik» tártibimen ákimshilik quqyq buzýshylyqtardy anyqtaý syndy máseleler kún tártibine qoıyldy. Soǵan oraı, oblys boıynsha 400 ishki ister organynyń qyzmetkeri, 150 áskerı qyzmetshi jáne 100 kólik jumyldyryldy. Jedel aldyn alý is-sharasy kezeńinde jumyldyrylǵan jasaqtarmen «izi sýymaı» 30 qylmys ashyldy. Máselen, 24 aqpanda saǵat túngi 01.55-te «102» telefonyna qaladaǵy dámhanalardyń birinde jastardyń jınalyp jatqany týraly anonımdik aqparat tústi. Oqıǵa ornyna kelgen polısııa qyzmetkerlerine 28 jastaǵy jigit shaǵymdanyp, belgisiz adamdardyń sebepsiz buzaqylyq nıetpen uryp ketkenin aıtqan. Jasaqtyń jyldam qımyldaýynyń arqasynda kóp qabatty úılerdiń aýlasynan úsh jas jigit qolǵa tústi.
Úsh kúnge sozylǵan sharada 1 388 ákimshilik quqyq buzýshylyq anyqtaldy. Onyń ishinde usaq buzaqylyq 40, ishimdik ishý nemese qoǵamdyq jerde mas kúıinde júrý 138, belgilenbegen jerlerde shylym shegý 98, kólikti mas kúıinde basqarý 42 márte tirkelgeni málim boldy. Jyl basynan beri 3 375 tekserý júrgizildi. Nátıjesinde, 1 691 quqyq buzýshy qolǵa túsip, ishki ister organyna 276 adam jetkizildi.
Satybaldy Sáýirbaı.
Derek: egemen.kz.
Sýret: nur.kz.