Halyqaralyq valıýta qory sáýir aıyna arnalǵan álemdik ekonomıkalyq sholýdy jarııalady. Sholýda jahandyq ekonomıkaǵa qatysty mańyzdy kórsetkishter qamtylǵan. Sonyń ishinde Qazaqstandaǵy jan basyna shaqqandaǵy jalpy ishki ónim kólemi nazar aýdartyp otyr, dep jazady Egemen.kz.
Jan basyna shaqqandaǵy IJО́ – eldegi ekonomıkalyq damý men halyq ál-aýqatynyń ortasha deńgeıin kórsetetin negizgi ındıkatorlardyń biri. Bul kórsetkish bir jyl ishinde óndirilgen barlyq taýar men qyzmettiń jalpy qunyn halyq sanyna bólý arqyly esepteledi. Qarapaıym tilmen aıtqanda, el ekonomıkasynda óndirilgen ónimniń aqshalaı kólemi bir adamǵa shaqqanda qansha úleske tıesili ekenin kórsetedi.
Mundaı tásil memleketterdiń ómir súrý deńgeıin salystyrýǵa múmkindik beredi. Iаǵnı, munda halyq sany emes, ekonomıkanyń tıimdiligi men sapasy nazarǵa alynady.
Halyqaralyq valıýta qorynyń jańartylǵan deregine sáıkes, Qazaqstanda jan basyna shaqqandaǵy IJО́ 17 500 AQSh dollaryna jetken. Salystyrmaly túrde aıtsaq, 2025 jyly dál osy kórsetkish 14 770 dollar bolǵan. Osylaısha, qysqa ýaqyt ishinde ósim shamamen 20%-dy qurap otyr.
Elimizde IJО́ kólemi 3,6%-ǵa ósti
Bul halyqaralyq sarapshylar Qazaqstan ekonomıkasyndaǵy sapaly ózgeristerdi baıqap otyrǵanyn ańǵartady.
Al aımaqtaǵy kórshi elderdiń 2026 jylǵy sáýirdegi kórsetkishteri mynadaı:
О́zbekstan – 4 660 dollar; Qyrǵyzstan – 3 200 dollar; Tájikstan – 1 940 dollar.Usynylǵan kórsetkishterge qaraǵanda, Qazaqstan ishki jalpy ónim kólemi boıynsha da, jan basyna shaqqandaǵy IJО́ deńgeıi boıynsha da aımaqtaǵy kóshbasshy ornyn saqtap otyr. Bul derekter el ekonomıkasynyń sapaly damý baǵytyn naqty kórsetedi.
Sıfrlyq ekonomıka IJО́-ge qalaı áser etedi? Prezıdent usynystar engizýdi tapsyrdy
Sarapshylardyń aıtýynsha, ekonomıkalyq ósim júıeli ári turaqty sıpat alyp keledi. Ishki jalpy ónim úlesinde óńdeý ónerkásibiniń kólemi artqan. Álemdegi turaqsyz jaǵdaıǵa qaramastan, negizgi makroekonomıkalyq kórsetkishterdiń tómendemeýi de osynyń aıǵaǵy.