Osy kúnderi fýtboldan respýblıkalyq Ulan 0112 áskerı bóliminiń chempıonaty ótýde. Oǵan áskerı bólimsheler men ulttyq Ulan qolbasshysynan bastap ortalyq apparat qyzmetkerleri túgel qatysýda.
Respýblıkalyq Ulan – Qazaqstan Respýblıkasynyń Prezıdentine tikeleı baǵynatyn jáne esep beretin, qaýipsizdikti qamtamasyz etýshi kúshterge jatatyn, nysandardyń qaýipsizdigin qamtamasyz etý jónindegi kúzet is- sharalaryn óz quzyreti sheginde júzege asyratyn arnaýly memlekettik organ. Onyń áskerı qyzmetshileri qurylymnyń joǵarǵy mártebesine saı bolýǵa, Prezıdent – Joǵarǵy Bas Qolbasshy qoıǵan mańyzdy tapsyrmalardy sapaly oryndaýǵa mindetti. Olardyń boılaryna sińgen jaýyngerlik qasıetteri men erekshe patrıottyq sezimi erekshelenip turady.
Respýblıkalyq Ulannyń komandırleri elıtarlyq qurylymnyń joǵarǵy mártebesine saı bolý úshin barlyq kúsh-jigerin salady. Tótenshe jaǵdaı rejimi kezinde Qazaqstan Respýblıkasy zańnamasyna sáıkes áreket etýge degen joǵary jaýyngerlik jáne shuǵyl qyzmettik ázirliktiń kepili. Onda atqyshtar, mergender, bronetransporter júrgizýshileri men kózdeýshiler, zenıttik qurylǵy toptary jáne basqa da kóptegen áskerı mamandyq ıeleri bar jáne olardyń komandırleri jaýyngerlik ázirlik salasynda jan-jaqty shyńdalǵandar.
Mine, osylardyń bárin qýatty da kúshti etetin – sport. Chempıonatqa qatysýshy áskerı qyzmetshiler aldynda sóz sóılegen ulttyq Ulan qolbasshysy general-leıtenat Abaı Tasbolatov: “Jan tazalyǵy – aqyl-oıdyń kepili”, degen Abaı atamyzdyń sózderinen bastap, jan tazalyǵy bolmasa tán, ar tazalyǵy da bolmaıtyndyǵyn aıta kele, naǵyz ulandyqtar úshin sport eń birinshi qarý ekendigin, sondyqtan da áskerı qyzmetshilerdiń salamatty ómir saltyn jadynan shyǵarmaı únemi shyńdalý kerektigin aıtty.
Ásııa ORMANOVA, L.N.Gýmılev atyndaǵy EUÝ stýdenti.