Qaraǵandy oblysyndaǵy Prıshahtınsk eldi mekeninde turatyn Sultanbek esimdi bozbala qudyqtyń túbinde jatqan bir qap snarıadty taýyp aldy.
Ne isterin bilmegen jas jigit ony sýretke túsirip, ǵalamtorǵa salǵan. «Mundaı jaǵdaıda ne isteý kerek?», – dep jerlesterinen aqyl-keńes suraǵan túri ǵoı.
Ol ol ma, budan keıin Sultanbek qudyqtyń ishindegi álgi snarıadtardy syrtqa shyǵaryp, úıine alyp kelgen. Anasy ursyp, alǵan jerińe aparyp tasta degen soń, snarıadtardy úıdiń janyna qoıa salypty. Túni boıy sol jerde jatqan joıqyn oqtyń ekeýin belgisiz bireýler urlap ta ketipti.
Ǵalamtorǵa sýretter jarq etip jarııalanysymen qutqarýshylar men órt sóndirýshiler jáne polısııa qyzmetkerleri Rýdnıchnaıa kóshesine jedel jetip, Sultanbektiń úıiniń mańyn tiri jan ótpesteı qorshap tastaǵan. Sodan, saperler kelip, zeńbirektiń oǵyn zııan keltirmeıtindeı etkennen keıin ǵana kóshe kúndelikti keıpine enedi.
Shynynda da, qap ishindegi bes snarıadtyń kez kelgen ýaqytta jarylyp ketýi ǵajap emes edi...
Qaırat ÁBILDINOV,
«Egemen Qazaqstan».
QARAǴANDY.