ASTANA. 17 tamyz. Prezıdent belgili kompozıtor, Qazaqstannyń halyq ártisi Bazarbaı Jumanııazovtyń qaıtys bolýyna baılanysty onyń týǵan-týystary men jaqyndaryna kóńil aıtý jedelhatyn joldady. Bul týraly egemen.kz tilshisi habarlady.
Memleket basshysy aýyr qaıǵyǵa ortaqtasa otyryp, kóńil aıtty.
Qazaqstan Prezıdenti qazaq óneriniń kórnekti ókili B. Jumanııazov otandyq kásibı mýzyka salasynyń damýyna zor úles qosqanyn atap ótti.
«Onyń asqaq rýhty «Mahambet» operasy, kóptegen sımfonııa-poemalary, ásem ánderi men romanstary ulttyq rýhanı qazynamyzdy baıytyp, mádenıetimizdiń altyn qorynan laıyqty oryn aldy. B.Jumanııazov táýelsiz elimizdiń ónerin órkendetý jolynda da talmaı eńbek etti», – delingen jedelhatta.
Nursultan Nazarbaev dara daryn ıesiniń ónegeli ómiri, jarqyn beınesi, bıik talǵamnan týǵan mýzykalyq týyndylary halyq júregi men jadynda máńgi qalatynyn atap kórsetti.
Aıdar О́risbaev.
Derek, sýret: akorda.kz.