Birikken bitiredi, uıymdasqan utady

El táýelsizdigin, onyń saıası turaqtylyǵyn memleketimizdiń basty qundylyǵynyń biri dep sanaýǵa bolady. Al elimizdiń múddesin qorǵaý jáne ony saqtaý árbir azamattyń boryshy bolyp tabylatyny anyq. Osy oraıda Elbasy Nursultan Nazarbaevtyń «Búgingi tańda el qamynan basqa qandaı múdde bolýy múmkin? Sondyqtan eldiń aqyny da, ákimi de bir maqsatty kózdeýi kerek», degen qanatty sózi bar. Bul oıdyń astarynda qoǵamnyń biraýyzdylyǵy, birligi, qala berdi elimizdiń beriktigin saqtaý túsinigi jatyr. Qazaqstan qazirgi tańda álem­degi kóptegen memleket arasynda oq boıy alǵa shyǵyp, dúnıe­júziniń damyǵan 30 eliniń qataryna ený úshin nyq qadam basyp keledi. Alaıda, árbir eldiń damý úderisine kedergi keltirer, eldiń senimine daq túsirer kesapattardyń biri – sybaılas jemqorlyq jáne sapasyz kórsetiletin memlekettik qyzmetter. Bul kúnderde osy kere­aǵar zalalmen kúreste memleket­tik apparattyń tetikteri ózgerip, onyń tek saldarymen kúresý emes, sondaı-aq, onyń aldyn alý jumystary belsendi júrgizilip kele jatqany baıqalady. Atap aıtqanda, buǵan tek memlekettik mekemeler ǵana emes, azamattyq qoǵam, úkimettik emes uıymdar, ártúrli qoǵamdyq qozǵalystar da tartylýda. Osyǵan oraı, Memlekettik qyz­met isteri jáne sybaılas jem­qorlyqqa qarsy is-qımyl agent­tiginiń Atyraý oblysy bo­ıynsha departamenti janyn­daǵy qoǵamdyq keńestiń de róli arta túspek. Qoǵamdyq keńestiń maq­sattarynyń biri – el arasyndaǵy kókeıkesti máselelerdi talqylap, azamattardyń zańdy múddesi men quqyqtaryn qorǵap, halyq pen bıliktiń ózara is-qımyl boıynsha jumystaryn jandandyrý bolyp tabylady. Basqasha aıtqanda, qoǵamdyq keńes halyq pen bıliktiń arasyndaǵy altyn kópir ispettes. Jalpy, qoǵamdyq keńestiń jumysy joǵaryda atalǵan departamentpen tyǵyz baılanysta júrgiziledi. Qoǵamdyq keńeske túsetin azamattardyń ótinishterin, onyń ishinde, usynystary men shaǵymdaryn qaraý máseleleri departament arqyly júzege asyrylýda. Qazirgi ýaqytta Atyraý qa­lasyndaǵy 2 halyqqa qyzmet kórsetý ortalyǵynda qoǵamdyq keńeske joldanatyn usynys-pikir jáne aryz-shaǵymdarǵa arnalǵan senim jáshikteri ornalastyryldy. Aǵymdaǵy jyly qoǵamdyq keńestiń kezekti otyrysynda memlekettik qyzmetterdi kórsetý máselesi boıynsha Atyraý oblysynyń birqatar memlekettik organdary, onyń ishinde, mem­lekettik sáýlet-qurylys baqy­laý basqarmasynyń, Atyraý qalalyq turǵyn úı-kommýnaldyq sharýashylyǵynyń, Sáýlet jáne qala qurylysynyń, sondaı-aq, bilim bólimderi basshylary tyńdalyp, naqty usynystar aıtyldy. Sonaý 2014 jylǵy 6 tamyz­daǵy reformadan keıin jańa departamenttiń ashyqtyǵy men halyqqa qoljetimdiligi, turǵyn­dardyń erkin túrde óz oılaryn jetkize alýyna septigin tıgizdi. Jasyratyny joq, burynǵy túsinik basqa bolǵandyqtan, burynǵy «Qarjy polısııasyn» halyq múmkindiginshe aınalyp ótýge tyrysatyn. Al qazir múldem ózgerdi. Departament bas­shysy Marat Ahmetjanovtyń tyń bastamalary men kreatıvti oılary, qoǵammen ashyq túrde kezdesýi – memlekettik qyzmettiń ashyqtyǵyn kórsete bildi. Oǵan keltirer dálel de jeterlik. «Adaldyq – ardyń isi, aýyrlyqty kóterý nardyń isi, jaqsy iske jan súıiner» degen sóz, osy bastamaǵa arnalǵandaı. «Bizdiń mindet – halyqqa qyzmet» degendeı, departamentpen de halyqqa kórsetiletin memlekettik qyzmetter sapasyn baqylaý jáne bul salada sybaılas jemqorlyqtyń aldyn alý baǵytynda belsendi jumystar júrgizilýde. Máselen, departa­ment basshysynyń bastamasymen jýyrda árbir azamattyń tur­mystyq ómirinde qajet bolatyn psıhonevrologııalyq jáne nar­kologııalyq dıspanserden esepte turmaıtyndyǵy týraly anyq­tama alý boıynsha memlekettik qyz­metiniń tártibine taldaý júr­gizilgen bolatyn. Taldaý nátı­jesinde osy anyqtamalardyń quny eseli túrde ústemelengeni jáne dıspanserlerdiń jumys kestesi memlekettik qyzmet úlgisine sáıkes emestigi anyqtal­dy. Departamenttiń yqpaly­men psıhonevrologııalyq jáne narkologııalyq dıspanserden ­alynatyn barlyq anyqtamalar­dyń baǵasy eki esege tómendep, sondaı-aq, bekitilgen kestege sáıkes azamattardy túski úzilissiz qabyldaıtyn boldy. Budan basqa, oblystyq ju­myspen qamtý jáne áleýmettik baǵdarlamalar basqarmasymen kórsetiletin jumys berýshilerge Atyraý oblysy aýmaǵynda eńbek qyzmetin júzege asyrý úshin sheteldik jumys kúshin tartýǵa ruqsat berý jónindegi memlekettik qyzmetke taldaý júrgizildi. Taldaý barysynda basqarmanyń jumysyndaǵy normatıvtik quqyqtyq aktiler men tıisti komıssııa erejesinde sýbektıvti sheshim qabyldaýǵa jol beretin sybaılas jemqorlyq táýekelderi anyqtaldy. Nátıjesinde depar­tamenttiń talaby negizinde Aty­raý oblysy ákimdigimen sybaılas jemqorlyq táýekeldigin joıý maqsatynda naqty sharalar qabyldandy. Saıyn QÝANYShEV, Memlekettik qyzmet isteri jáne sybaılas jemqorlyqqa qarsy is-qımyl agenttiginiń Atyraý oblysy boıynsha departamentiniń janyndaǵy qoǵamdyq keńes tóraǵasy.