Keshe palata Spıkeri Qabıbolla Jaqypovtyń tóraǵalyǵymen Májilis bıýrosy ótip, jalpy otyrystyń kún tártibi naqtylandy, dep habarlady osy palatanyń baspasóz qyzmeti.
Halyq qalaýlylarynyń nazaryna Belorýssııamen readmıssııa týraly kelisimdi, Vetnam memleketi úkimetimen tabysqa salynatyn salyqtarǵa qatysty qosarlanǵan salyq salýdy boldyrmaý jáne salyq salýdan jaltarýǵa jol bermeý týraly kelisimdi, sondaı-aq, Majarstanmen ustap berý jáne sottalǵan adamdardy berý týraly shartty ratıfıkasııalaýǵa qatysty zań jobalary usynylatyn boldy.
Jalpy otyrystyń kún tártibi jobasynda, sondaı-aq, bilim berý salasyndaǵy kemsitýshilikke qarsy kúres týraly konvensııany ratıfıkasııalaý týraly zań jobasy qamtylǵan.