Búgin, 28 aqpan kúni keshke Bolgarııanyń astanasy – Sofııa qalasynda dástúrli «Strandja» memorıalynyń 66-týrnıri óziniń máresine jetti. Bul týraly Bolgarııa boks federasııasynyń málimetine súıengen Ras.kz habarlady.
Onyń qorytyndysynda Qazaqstannyń erler quramasy 1 altyn, 1 kúmis, 3 qola, áıelder quramasy 1 qola medal aldy.
Týrnır 24 aqpan kúni bastaldy. Ol Sofııanyń «Ýnıversıada hall» sport arenasynda ótti.
Jarysqa álemniń 24 elinen 120-ǵa jýyq boksshy qatysty. Olardyń arasynda áıelder quramasy boıynsha – 4, erler quramasy boıynsha 6 boksshy aparǵan Qazaqstan komandasy da boldy.
Saıystyń birinshi kúni 1/16 jáne 1/8 fınaldyq jekpe-jekter oınaldy. Munyń ekinshi elektik shaıqasy boıynsha asa aýyr salmaqtaǵy Qamshybek Qońqabaev armıan Iаkob Melkonıanmen juptasyp, qarsylasyn 2-raýndta nokaýtqa túsirdi.
Kelesi, 25 aqpan kúni 1/8 fınaldyq urystar jalǵasty. Onda bizdiń eki qyz sharshy alańǵa shyǵyp, bireýi utty, bireýi utyldy. Jeńiske 75 kg salmaqtaǵy Darıǵa Shákimova jetti. Ol túrik qurbysy Sema Chalyshkandy 3:0 etip utty. Al 60 kg salmaqtaǵy Álııa Ábdiraıymova brazılııalyq Taına Kardosoǵa 0:2 bolyp ese jiberdi.
Bul kúni tórt jigitimiz rıngke kóterilip, tórteýi de jeńis toıyn toılady. Atap aıtqanda, Jaqsylyq Ilııasov (60 kg) – moldovan Vadım Ivanıýkti (3:0), Ǵanı Jaılaýov (64 kg) – reseılik Alekseı Mazýrdi (2:1), Rýstam Svaev (75 kg) – ázerbaıjan Kamran Shahsývarlyny (3:0), al Nurbol Altaev (81 kg) ıraqtyq Tager Mahmýd Zaıdoýndy (3:0) tize búktirdi.
26 aqpan kúni ótken shırek fınalda taǵy eki qyzymyz joldan shyǵyp qaldy. Aldymen 54 kg salmaqtaǵy Dına Jolaman bolgar qyzy Gabrıela Dımıtrovadan 1:2 bolyp utyldy. Al 64 kılodaǵy Zarına Soloeva ázerbaıjandyq Elena Vystropovaǵa 0:2 bolyp jol berdi. Tek 75 kg salmaqtaǵy Darıǵa Shákimova ǵana jeńis jolyn jalǵastyrdy. Ol belorýs Vıktorııa Kebıkovadan 2:0 esebimen artyq kórindi.
Jigitterdiń urysyn bastaǵan 56 kıloǵa deıingi salmaqtaǵy Janbolat Tilegenuly armıan Genrık Mokoıandy 2:1 etip súrindirdi. 60 kıloǵa deıingi salmaqta ıraqtyq Ammar Hassanmen qolǵap túıistirgen Jaqsylyq Ilııasov 2:0 esebimen jeńdi. Al 64 kılo salmaqtaǵy Ǵanı Jaılaýov bul kúni sátsizdikke ushyraǵan jalǵyz jigitimiz boldy. Ol ózbek Fazlıddın Gaıbnazarovqa 0:3 esebimen jol berdi. Munyń esesine, budan keıin sharshy alańǵa shyqqan úsh boksshymyz da utysqa jetti. Atap aıtqanda, 75 kılodaǵy Rýstam Svaev brazılııalyq Maık Karvalıýdi 2:1,81 kılodaǵy Nurbol Altaev kosovolyq Armend Hahajdy 3:0, al 91 kılodan aýyr salmaqtaǵy Qamshybek Qońqabaev ırland Dın Gardınerdi 2:1 esebimen utyp shyqty.
27 aqpan kúni oınalǵan jartylaı fınalda jalǵyz shaıqasqan qyzymyz Darıǵa Shákimova (75 kg) qytaı Lı Kıannan 0:2 bolyp utyldy. Al jigitter arasynan rıngke birinshi bolyp kóterilgen Janbolat Tilegenuly ýelstik Sın MakGoldrıkti 3:0 esebimen tize búktirdi. Sodan keıin sharshy alańǵa shyqqan úsh boksshymyz qatarynan utylysqa tap boldy. Atap aıtqanda, Jaqsylyq Ilııasov (60 kg) armıan Samvel Barsegıannan 1:2, Rýstam Svaev ırland Maıkl O`Reıllıen 0:2, Nurbol Altaev (81 kg) bolgar Radoslav Panteleevten 1:2 esepterimen jeńildi. Bizdiń komandadan aqtyq synǵa joldama alǵan ekinshi sportshy 91 kılodan aýyr salmaqtaǵy Qamshybek Qońqabaev boldy. Ol grýzın Mıheıl Bahtadzeni 3:0 etip tize búktirdi.
28 aqpan kúni qanat jaıǵan fınalda bizdiń eki jigitimiz óner kórsetip, ekeýi de utylyp qaldy. Olardyń ekeýi de ózbek boksshysynan asa almady. Aldymen 56 kılo salmaqtaǵy tarazdyq Janbolat Tilegenuly О́zbekstannyń 2013, 2014 jyldarǵy eki dúrkin chempıony Mýrodjon Ahmadalıevten 1:2 bolyp utyldy. Asa aýyr salmaqtaǵy qyzylordalyq Qamshybek Qońqabaev taǵy sondaı óz eliniń sońǵy eki chempıonatynyń altyn júldegeri Bahodır Jololovtan 1-raýndta nokaýtpen jeńildi. Bir aıta keterligi, bizdiń bul eki jigit te eshqashan Qazaqstannyń chempıony bolyp kórmegen.
Týrnırge óziniń birinshi quramymen barǵan О́zbekstan quramasy sapynan fınalǵa 8 boksshysyn shyǵardy. Olardyń 5-eýi qarsylastaryn jeńip, bas júldege qol jetkizdi. Qalǵan úsh boksshynyń ishinen tek Fazlıddın Gaıbnazarov qana fınalda utyldy. Sońǵysy – Bahodın Jalolov bizdiń Qamshybek Qońqabaevtan nokaýtpen jeńildi. Ol Ázerbaıjan azamattyǵyn alǵan kýbalyq Lorenso Sotomaıorǵa ese jiberip aldy. Al ózbek boksshylary qataryndaǵy eń jasy úlkeni jáne tájirıbelisi Elshod Rasýlov sharshy alańǵa shyqpaı-aq jeńisti berdi.
Sonymen fınaldyq shaıqastar bylaısha aıaqtaldy:
Erler
49 kg. Abdýlla Qýchqarov (О́zbekstan) – Davıd Albrdıan (Izraıl) 2:1
52 kg. Shahobıddın Zoırov (О́zbekstan) – Djek Bateson (Anglııa) 3:0
56 kg. Mýrodjon Ahmadalıev (О́zbekstan) – Janbolat Tilegenuly (Qazaqstan) 3:0
60 kg. Elvın Isaev (Ázerbaıjan) – Samvel Barsegıan (Armenııa) 2:1
64 kg. Lorenso Sotomaıor (Ázerbaıjan) – Fazlıddın Gaıbnazarov (О́zbekstan) 3:0
69 kg. Sımeon Chamov (Bolgarııa) – Iаroslav Samofalov (Ýkraına) 2:1
75 kg. Bektemır Melıkýzıev (О́zbekstan) – Maıkl O`Reıllı (Irlandııa) 3:0
81 kg. Radoslav Panteleev (Bolgarııa) – Elshod Rasýlov (О́zbekstan) WO
91 kg: Rýstam Týlaganov (О́zbekstan) – Gevorg Manýkıan (Ýkraına) 3:0
+91 kg. Qamshybek Qońqabaev (Qazaqstan) TKO I – Bahodın Jalolov (О́zbekstan)
Áıelder
51 kg. Stoıka Petrova (Bolgarııa) – Ren Kankan (Qytaı) 3:0
54 kg. Stanımra Petrova (Bolgarııa) – Krıstına Krýz (AQSh) 3:0
60 kg. Svetlana Kamenova (Bolgarııa) – Mıra Potkonen (Fınlıandııa) TKO I
64 kg. Angen Aleksıýson (Shvesııa) – Elena Vystropova (Ázerbaıjan) 2:0
75 kg. Lı Kıan (Qytaı) – Nýchka Fontıın (Nıderlandy) 2:1