Qazaqstan men Reseıdiń Aýyl sharýashylyǵy mınıstrlikteri arasyndaǵy áriptestik odan ári nyǵaıyp keledi. Eki el arasyndaǵy kelisimder shegirtke zııankesterine qarsy kúres sharalaryn kúsheıtýge múmkindik berip otyr, dep habarlaıdy Egemen.kz.
Eki eldiń ókilderi jyl saıyn mamyr, maýsym jáne shilde aılarynda shekaralas aýmaqtarǵa birlesken tekseris júrgizedi. Bul eki eldiń bıologııalyq jáne fıtosanıtarlyq qaýipsizdigin qamtamasyz ete otyryp, shegirtkelerdiń mıgrasııasynyń aldyn alady. Sondaı-aq karantındik zııankester boıynsha da derekter almasyp, jumys júrgiziledi. Bul prosess qazir tolyq avtomattandyrylyp, sıfrlandyrylǵan.
Qasym-Jomart Toqaev pen Vladımır Pýtın Birlesken málimdeme qabyldady
Reseı aýyl sharýashylyǵy salasynda Qazaqstannyń eń iri saýda seriktesteriniń biri bolyp qala beredi. AО́K salasyndaǵy jalpy saýdanyń shamamen úshten biri osy eldiń úlesine tıesili. О́tken jyldyń 9 aıynda taýar aınalymy 2 mıllıard 800 mıllıon dollar boldy.
«Bul toqtap qalmaıtyn úderis. Sebebi Reseı jaǵynda da, Qazaqstan jaǵynda da keıbir zııandy organızmder kezdesedi. Sondyqtan biz bir-birimizdi belgili bir ónimniń nemese karantındik obektiniń taralýy týraly ýaqytynda habardar etip otyrýymyz kerek, onymen tıimdi kúresýge múmkindik beredi. Bul jumys turaqty júrgizilip keledi. Biz únemi baılanystamyz, dál 28 mamyr kúni bıologııalyq qaýipsizdik jónindegi áriptesterimiz Máskeýge baryp, karantındik obektilerge qarsy birlesken jumys máselelerin talqylaıdy», dedi AShM Agroónerkásiptik keshendegi memlekettik ınspeksııa komıteti tóraǵasynyń orynbasary Murat Irgebaev.
Qazaqstan men Reseı taýar aınalymyn 30 mlrd dollarǵa ulǵaıtady