ASTANA. 15 mamyr. Máskeý musylmandary kelesi aptadan bastap «jyljymaly meshittiń» qyzmetin paıdalana alady. Bul týraly ntv.ru habarlady.
Arnaıy jabdyqtalǵan avtobýsta namaz oqý úshin barlyq jaǵdaı jasalǵan. Dáret alatyn jáne namaz oqıtyn bólmeleri bar. Kelesi aptadan bastap «jyljymaly meshitti» ınternet arqyly tapsyrys berip, qalanyń kez kelgen jerine shaqyrtýǵa bolady. Bul qyzmet túri tegin kórsetiledi.
Reseı astanasynda 2 mıllıon musylman ómir súredi. Alaıda, qalada bar-joǵy 4 meshit qana jumys isteýde.
Máskeý Musylmandar dinı basqarmasynyń basshysy Ildar Alıaýtdınov qalada jyljymaly namazhanalardyń paıda bolýyna oń baǵasyn berdi. Onyń aıtýynsha, bul namazhanalar musylmandarǵa qalanyń ý-shýynan arylyp, jaıly jerde paryzdaryn óteýge múmkindik beredi. «Dinı turǵydan alyp qaraǵanda búkil Jer meshit bolyp sanalady. Adam kez-kelgen jerde namaz oqýǵa quqyly. Alaıda, qala turǵyndary úshin namazdy kóshede nemese metroda oqyǵansha, osyndaı tynysh ári jaıly jerde oqyǵany yńǵaıly bolar edi», – deıdi I.Alıaýtdınov.
Aıdar О́risbaev.
Derek, sýret: ntv.ru.