ASTANA. 15 mamyr. Meksıkada balalardyń beıádep sýretterin daıyndap, taratqan AQSh azamaty 199 jylǵa sottaldy. Sondaı-aq, ol sot úkimimen 96 myń dollar kóleminde aıyppul tóleýge mindetteldi. Bul týraly lenta.ru habarlady.
Tergeý málimetterine qaraǵanda, AQSh azamaty kámeletke tolmaǵan qyzdy anasynyń kelisimimen sýretke túsirip, ony elektrondy poshta arqyly ózge elderdegi tapsyrys berýshilerge taratyp nemese ǵalamtorǵa salyp otyrǵan.
Aıyptynyń aty-jóni áli kúnge jarııalanǵan joq. Onyń tek Kolıma shtatynyń batysynda ornalasqan Mansanılo qalasynda qolǵa túskeni ǵana belgili. Búldirshin qyzdyń anasy da túrmege qamaldy.
Meksıka elinde balalar pornografııasymen kúres júrgizetin arnaıy qyzmet – áıelderge qarsy qylmystar men adam saýdasy boıynsha prokýrordyń arnaıy basqarmasy jumys isteıdi. Atalǵan qyzmettiń aqparattaryna qaraǵanda, sońǵy 5 jyl ishinde qyzmetkerler ǵalamtordan balalardyń beıádep sýretteri men vıdeolaryn jarııalaǵan 4 myńnan astam saıtty áshkerelegen. Ondaǵy jarııalanǵan ónimderdiń barlyǵy Meksıkada túsirilgeni anyqtalǵan.
Elaman Qońyr.
Derek: lenta.ru.
Sýret: 112.ua.