Eýroodaq baspana berý týraly ótinishi qanaǵattandyrylmaǵan mıgranttar úshin arnaıy ortalyqtar qurý jóninde odaqtan tys birqatar eldermen kelissózder bastaýy múmkin. Yqtımal seriktester qatarynda Qazaqstan da bar, dep habarlaıdy Egemen.kz
Politico basylymynyń jazýynsha, EO elderiniń bir toby odaqtan tys 8-10 memleketke «qaıtarý ortalyqtaryn» (return hubs) qurý týraly usynyspen júginýge daıyndalyp jatyr. Bul ortalyqtarǵa baspana berý týraly ótinishi qabyldanbaǵan mıgranttar jiberiletin bolady.
Eýropalyq dıplomattardyń biri yqtımal seriktester retinde Qazaqstan men О́zbekstandy ataǵan. Alaıda ázirge bul boıynsha eshqandaı resmı kelisimder nemese naqty kelissózder júrgizilip jatqan joq.
Bul bastama EO-nyń mıgrasııany qaıtarý jónindegi jańa reglamentin talqylaý aıasynda qarastyrylýda. Eýropa elderiniń basshylary mıgrasııalyq saıasatty qatańdatýǵa jáne EO aýmaǵynda bolý quqyǵyn almaǵan shetel azamattaryn kóbirek deportasııalaýǵa umtylyp otyr.