ASTANA. 15 mamyr. Kýveıtte dzıýdodan Azııa chempıonaty ótip jatqany belgili. Jarystyń ekinshi kúni Qazaqstan qorjynyna 1 kúmis jáne 2 qola medal tústi. Bul týraly sporttyq jekpe-jek jáne kúsh qoldanylatyn sport túrleri konfederasııasynyń resmı saıty confederation.kz habarlady.
Kúmis júlde 100 kg.-da baq synaǵan Maksım Rakovqa buıyrdy. Ol fınalda japon Kaıhan Tahagımen beldesti. Bir ǵana ońtaıly ádis jasap, qarsylasyn qapy qaldyrǵan japon palýany qurlyq chempıony atandy.
Al qola medal Gúljan Isanova (+78 kg.) men Erjan Shynkeevke (+100 kg.) buıyrdy.
Aıta keteıik, alǵashqy jarys kúni dzıýdoshylarymyz eki qola júldege qol jetkizgen bolatyn. Olar – Eldos Jumaqanov (66 kg.) pen Marıan Ordabaeva (63 kg.).
Elaman Qońyr.
Derek, sýret: confederation.kz.