Qasym-Jomart Toqaev Úkimet pen ákimdikterge «Taza Qazaqstan» tujyrymdamasyn oryndaý konstıtýsııalyq mindet ekenin eske saldy. Memleket basshysy Alatau City jobasyn damytý barysynda qalany abattandyrýǵa, qoǵamdyq keńistikterdi kóbeıtýge jáne ekologııalyq mádenıetti qalyptastyrýǵa erekshe kóńil bólý qajet ekenin aıtty, dep habarlaıdy Egemen.kz.
«Tutastaı alǵanda, qalany tıimdi negizde salyp, jan-jaqty damytý kerek. Barlyq nysandar qurylys salasyndaǵy ozyq halyqaralyq talaptar men erejelerge tolyq saı bolýǵa tıis. Jalpy, Alatau city tujyrymdamasynyń maqsaty – bızneske qolaıly jaǵdaı jasaý, ınvestısııalyq jobalardy iske qosý, jurtty jumyspen qamtý jáne zamanaýı ınfraqurylym salý. Qala tórt aýdanǵa bólinedi. Boı kóteretin ǵımarattardyń barlyǵy halyqaralyq iskerlik jáne ınnovasııalyq ortalyqtarǵa qoıylatyn talapqa sáıkes bolýy kerek», dedi Prezıdent.
«Baıaǵy jartas – sol jartas»: Prezıdent Qonaev qalasynyń ınfraqurylym qurylysyn synǵa aldy
Sondaı-aq ol qalany abattandyrýǵa jáne jaıly qoǵamdyq oryndar salýǵa erekshe nazar aýdarý qajet ekenin aıtty.
«Osyǵan baılanysty Úkimetke, ákimderge taǵy da aıtarym: «Taza Qazaqstan» tujyrymdamasynyń oryndalýy, bul – konstıtýsııalyq mindet. «Taza» degen sózdiń maǵynasy kópqyrly. Bul – qalalarymyzdy tazalaý, kógaldandyrý, kórkeıtý, abattandyrý degen sóz. Sonymen qatar bul – nıetimizdiń tazalyǵyn saqtaý, otanshyldyǵymyzdy pash etý degen sóz. «Taza Qazaqstan» jalpyhalyqtyq qozǵalysy Ádiletti Qazaqstannyń bolmysyna, tipti, onyń tutas ıdeologııasyna aınalýy kerek», dedi Prezıdent.
Memleket basshysy: Alatau city jobasyna zor úmit artyp otyrmyz