ASTANA. 18 tamyz. «Ordabasy» fýtbol komandasynyń bas jattyqtyrýshysy Vıktor Kýmykov qyzmetinen ketti. Jattyqtyrýshy men klýb basshylyǵy ekijaqty kelisimniń nátıjesinde osyndaı sheshimge kelip otyr. Bul týraly vesti.kz habarlady.
Reseılik mamannyń ornyn endi belgili jattyqtyrýshy Bahtııar Baıseıitov basýy múmkin.
Aıta keteıik, Vıktor Kýmykov Qazaqstanǵa 2000 jyly keldi. Sodan beri ol «Esil», «Elimaı», «Qaısar» jáne «Shahter» klýbtarynda qyzmet etti. Al «Ordabasyn» Kýmykov myrza 2014 jyldan beri jattyqtyryp keledi.
Shymkenttiń komandasy bıylǵy maýsymda premer-lıganyń alǵashqy aınalymyn birinshi altylyqtyń qatarynda aıaqtaýdy basty tapsyrma retinde bekitken bolatyn. Vıktor Kýmykov ol senimdi aqtap shyqty. Soǵan qaramastan, ekinshi aınalym endi ǵana bastalǵan sheshýshi sátte onyń qyzmetten ketýi jankúıerlerdi tań qaldyrýda.
Vıktor Balıýtovıch qazaqstandyq jankúıerlerdiń esinde Qaraǵandynyń «Shahterin» jattyqtyrǵan kezdegi jarqyn jeńisterimen qalary sózsiz. «Kenshilermen» jumys istegen 2011-2014 jyldar aralyǵynda ol eki márte Qazaqstan chempıony (2011, 2012 jj.) atandy. Odan bólek, 2013 jyly Qazaqstan Kýbogyn jáne Qazaqstan Sýperkýbogyn ıemdendi.
Eń basty jetistikteriniń biri, árıne, «Shahterdi» 2013-2014 jylǵy maýsymda Chempıondar lıgasy irikteý týrnıriniń pleı-off básekesine alyp shyǵýy. Sondaı-aq, sol jyly komandasymen birge Eýropa lıgasynyń toptyq kezeńinde oınady. Odan bólek, 2011, 2012 jáne 2013 jyldary Qazaqstannyń eń úzdik jattyqtyrýshysy atanǵanyn aıta keteıik.
Elaman Qońyr.
Derek: vesti.kz.
Sýret: armsport.am.