ASTANA. 28 aqpan. О́te kúshti aıazdyń saldarynan AQSh-tyń soltústigindegi Nıagara sarqyramasynyń betin túgel muz japty. Bul týraly Lenta.ru habarlady.
Nıagara sarqyramasy ornalasqan AQSh pen Kanadanyń shekarasynda gradýs nólden 22 gradýsqa deıin túsip ketti. Munyń ózi Nıagaradan tómen qaraı qulaıtyn myńdaǵan tonna sýdyń betin muz jaýyp qalýyna aparyp soqtyrdy. Sóıtip, álemniń túkpir-túkpirinen myńdaǵan týrısterdiń kelip tamashalap turatyn keremet sulý mekendi óziniń kórkinen aıyrdy. Mamandar qazir Nıagaranyń tolyq qatyp qalmaǵanyn, muzdyń astyndaǵy syzashyqtan tómenge qaraı sarqyrap sý aǵyp jatqanyn aıtyp otyr. Al ataqty sarqyrama óziniń tarıhynda buǵan deıin bir-aq ret, 1848 jyly ǵana osylaı qatyp qalǵan eken. Áıtkenmen, sınoptıkter aımaqtaǵy aýa temperatýrasynyń budan ári tómendeı túsetinin, demek, sarqyramanyń qatýy aldaǵy ýaqyttarda da bolatynyn alǵa tartady.
Kanadanyń Ontarıo jáne Amerıkanyń Nıý-Iork shtattarynyń shekarasynda ornalasqan Nıagara álemdegi eni eń úlken sarqyrama bolyp tabylady. Onyń AQSh-taǵy eni – 323, al Kanadadaǵy eni 792 metrdi quraıdy.
Aqpannyń ortasynan bastap AQSh-ta óte salqyn aýa raıy qalyptasty. О́te kúshti aıaz ben qarly borannan Amerıka aeroporttarynda júzdegen reıster keıinge qaldyryldy, al Nıý-Iorkte, Vashıngtonda jáne Fıladelfııada temperatýranyń tómendeýi rekordtyq kórsetkishke jetti. Aldaǵy ýaqyttarda AQSh-tyń Atlant aımaǵy men orta batys aýmaǵynda aýa raıynyń temperatýrasy Selsıı boıynsha mınýs 40 gradýsqa deıin tómen túsedi dep kútilip otyr.
Murat Aıtqoja.
Derek, foto: Lenta.ru.