Jyl saıyn 4 maýsym kúni Qazaqstanda Memlekettik rámizder kúni atalyp ótedi. Bul kún elimizdiń táýelsizdigi men egemendigin aıqyndaıtyn erekshe mereke, dep habarlaıdy Egemen.kz.
Qazaqstannyń memlekettik rámizderine Tý, Eltańba jáne Ánuran jatady. Olar 1992 jylǵy 4 maýsymda resmı túrde bekitildi. Memlekettik Týdyń avtory – Sháken Nııazbekov. Týdyń kógildir túsi beıbitshilik pen birlikti bildiredi. Onyń ortasynda kún men qyran beınelengen.
Memlekettik Eltańbanyń avtorlary – Jandarbek Málibekov pen Shot-Aman Ýálıhanov. Eltańbada shańyraq, qanatty pyraqtar jáne bes juldyz beınelengen. Olar halyqtyń birligi men jarqyn bolashaǵyn sýretteıdi.
Qazirgi qoldanystaǵy Ánuran 2006 jyly bekitildi. Ánuran halqymyzdyń patrıottyq rýhyn kóterip, Otanǵa degen súıispenshilikti dáripteıdi.
Qazaqstanda memlekettik rámizderdi qoldaný tártibi egjeı-tegjeıli retteledi
Memlekettik rámizder – ár azamat úshin qasterli qundylyq. Olardy qurmetteý – árbir el azamatynyń mindeti. Rámizderimiz eldiń tarıhyn, mádenıetin jáne táýelsizdigin kórsetetin mańyzdy belgiler sanalady.