Qyrǵyzstannyń burynǵy premer-mınıstri Danııar Úsenovtiń uly Ýrmat Úsenov Almaty qalasyndaǵy tergeý ızolıatoryna qamaldy, dep habarlaıdy Egemen.kz.
Aldyn ala aqparatqa sáıkes, Ýrmat Úsenov pen úsh adam zańsyz kalıan temekisin satý jáne zańsyz kásipkerlik júrgizý isi boıynsha kúdikti retinde tanylǵan. Kúdiktiler arasynda eki Qyrǵyzstan azamatymen birge Qazaqstan azamaty da bar bar.
Tergeý organdary olarǵa Qazaqstan Qylmystyq kodeksiniń 214-baby («zańsyz kásipkerlik qyzmetti uıymdastyrý») jáne 264-baby («transulttyq uıymdasqan qylmystyq top qurý») boıynsha aıyp taǵyp otyr. Tergeý derekterine sáıkes, keltirilgen zalal kólemi shamamen 26 mıllıon teńgeni quraıdy. Tekserý barysynda quny 46 mıllıon teńgeden asatyn 1,6 tonnadan astam kalıan temekisi tárkilengen.
Almaty soty 10 naýryzda kúdiktilerdi eki aı merzimge qamaýǵa alý týraly sheshim shyǵarǵan.
Qyrǵyzstan alǵash ret BUU Qaýipsizdik Keńesiniń múshesi atandy
Aıta keteıik, Danııar Úsenov 2009-2010 jyldary Qyrǵyzstannyń 14-premer-mınıstri bolǵan. 2010 jylǵy bılik aýysymynan keıin ol elden ketip, keıin syrttaı sottalǵan.
Eske sala keteıik, buǵan deıin Qyrǵyzstanda Qamshybek Táshıev pen basqa joǵary laýazymdy tulǵalarǵa qatysty sybaılas jemqorlyq jáne memlekettik tóńkeris jasaý aıyptarymen jabyq sot prosesi ótken bolatyn.