Memleket basshysy Qasym-Jomart Toqaev Qazaqstannyń ınvestısııalyq ahýaldy jaqsartý baǵytyndaǵy jumystary júıeli túrde jalǵasyp jatqanyn aıtty, dep habarlaıdy Egemen.kz.
Prezıdenttiń aıtýynsha, elge ınvestısııa tartýda tıimdi quqyqtyq orta qalyptastyrý mańyzdy ról atqarady.
«Investısııa tartýdyń taǵy bir mańyzdy faktory bar. Astana halyqaralyq qarjy ortalyǵynda Sot pen Arbıtraj ortalyǵy aǵylshyn quqyǵy qaǵıdattaryna saı jumys isteıdi. Elimizde Úkimet janynan Investısııalyq shtab qurylǵan. Atalǵan shtab sońǵy ýaqytta ınvestısııalyq jobalarǵa qatysty túıtkildi máselelerdi jedel sheshý arqyly óziniń tıimdiligin kórsetti. Sonymen qatar Prezıdent Jarlyǵymen Bas Prokýratýrada Investorlardyń quqyqtaryn qorǵaý komıteti quryldy. Biz iskerlik jáne ınvestısııalyq ahýaldy jaqsartýǵa barynsha múddeli memleket retinde osy saladaǵy jumysty aıryqsha nazarda ustaımyz. Qazir Qazaqstan shetel ınvestısııasyn tartý kórsetkishi boıynsha bizdiń aımaqta kósh bastap tur», dedi Qasym-Jomart Toqaev.
Qasym-Jomart Toqaev: Memleket pen qoǵam tutastyǵyn nyǵaıtý – aldyńǵy qatardaǵy mindettiń biri
Eske sala keteıik, Memleket basshysy elordada «Ákimshilik ádilet jáne onyń quqyq ústemdigin qamtamasyz etý isindegi róli» atty halyqaralyq forýmyna qatysty.