Sanaýly kúnderden soń fýtbol tarıhyndaǵy eń aýqymdy týrnırlerdiń biri – álem chempıonaty bastalady. Jahandy jańalyǵymen eleńdetip qoıǵan ala dop alamany bıyl jankúıerlerin erekshe formatymen qýantpaq, dep habarlaıdy Egemen.kz.
Atalǵan doda alǵash ret úsh elde – AQSh, Kanada jáne Meksıkada ótedi. Týrnır Soltústik Amerıkanyń 16 qalasynda uıymdastyrylady.
Matchtardyń basym bóligi AQSh aýmaǵynda ótedi. Sonymen qatar Kanada men Meksıka da álem chempıonatynyń mańyzdy oıyndaryn qabyldaıdy.
Týrnırdiń alǵashqy matchy Meksıkadaǵy áıgili «Asteka» stadıonynda ótedi. Ashylý oıynynda Meksıka quramasy Ońtústik Afrıka Respýblıkasynyń komandasymen kezdesedi. Al fınaldyq oıyn AQSh-tyń Nıý-Iork qalasy mańyndaǵy MetLife stadıonynda ótedi.
Álem chempıonaty: Saýd Arabııasy jankúıerlerine tegin bıletter tarata bastady
2026 jylǵy mýndıaldiń basty ereksheligi – qatysýshy komandalar sanynyń 48-ge deıin ulǵaıýy bolyp otyr. Sonyń nátıjesinde týrnır barysynda rekordtyq 104 match ótedi. Ár eldiń qalalary arnaıy iriktelip, zamanaýı ınfraqurylymmen qamtamasyz etilgen stadıondarda oıyndar ótkizedi.
Uıymdastyrýshylardyń aıtýynsha, týrnırdiń keń geografııasy jankúıerlerge ártúrli qalalarda ótetin oıyndardy tamashalaýǵa múmkindik beredi. Bul FIFA tarıhyndaǵy eń iri ári eń kóp qalany qamtıtyn álem chempıonaty bolǵaly tur.
Eske sala keteıik, buǵan deıin FIFA oıyndardyń tolyq kestesin jarııalaǵan bolatyn. Kestege sáıkes, alǵashqy toptyq oıyndar Meksıka – OAR men Chehııa – Ońtústik Koreıa arasynda ótedi.