Qyzylorda oblysynyń Shıeli aýdanynda kanal sýynan tabylǵan qyz balanyń ólimine kúdikti ustaldy, dep habarlaıdy Egemen.kz oblystyq polısııa departamentiniń baspasóz qyzmetine silteme jasap.
Tergeý málimetinshe, kúdikti retinde sol aýdannyń turǵyny anyqtalyp, sot sanksııasymen qamaýǵa alynǵan.
Oblystyq polısııa departamenti tergeý basqarmasy bastyǵynyń mindetin atqarýshy Asylbek Bekseıitovtiń aıtýynsha, qazir oqıǵanyń barlyq mán-jaıyn anyqtaýǵa baǵyttalǵan jedel-tergeý sharalary júrgizilip jatyr.
«Kúdikti ustalyp, sottyń sanksııasymen qamaýǵa alyndy. Qazir qylmystyq is boıynsha qajetti tergeý áreketteri jalǵasyp jatyr. Tergeý múddesine baılanysty sotqa deıingi tergep-tekserý materıaldary jarııalanbaıdy», dedi ol.
Ishimdikten keıingi janjal adam ólimimen aıaqtaldy
Quqyq qorǵaý organdary istiń barlyq jaǵdaıyn jan-jaqty zerdelep jatqanyn málimdedi.
Buǵan deıin Qyzylorda oblysynda joǵalyp ketken 6 jastaǵy qyzdyń máıiti tabylǵanyn jazǵan edik.