PETROPAVL. 2 naýryz. Soltústik Qazaqstan oblysynyń basshysy Erik Sultanov bógdeniń dúnıe-múlkin urlaýdyń báseńdemeı otyrǵanyna baılanysty shuǵyl selektorlyq keńes ótkizip, polısııa quramy men tıisti oryndar aldyna naqty mindetter qoıdy. Bul týraly egemen.kz tilshisi habarlady.
Erik Hamzauly óz sózinde bógdeniń dúnıe-múlkin jymqyrý óńirde ózekti másele bolyp otyrǵanyn, barlyq urlyq-qarlyqtyń 70 paıyzyn quraıtynyn erekshe atap ótti. Byltyr 7 myńǵa jýyq ózgeniń múlkin qoldy etý oqıǵalary tirkelgen.
Krımınaldy polısııa basqarmasynyń basshysy Myńbaı Asylbekovtyń baıandaýynsha, qylmysty ashý 4,5 paıyzǵa jaqsarǵanymen, ońaı oljaǵa batýdy kózdegen sýyqqoldy áreketter 7,5 paıyzǵa kóbeıgen.
E. Sultanov qabyldanyp jatqan sharalardyń azdyǵyna keńeske qatysýshylardyń nazaryn aýdaryp, budan bylaı kóp qabatty úılerdi paıdalanýǵa bergende beınekameralardy qosa ornatýdy, túsinik jumystaryn shıratýdy tapsyrdy. О́ıtkeni, mal urlyǵynyń báseńdemeı otyrǵany, ıeleriniń qaraýsyz qaldyratyny da alańdatpaı qoımaıdy. 183 aýyldyq okrýgte chaskelik ınspektorlar jumys istegenimen, shaban qımyldaıdy.
Selektorlyq jıyn sońynda ákim ózgeniń múlkin urlaýǵa qarsy vedomstvoaralyq is-jospar sharalaryn bekitti.
О́mir Esqalı.
Derek: egemen.Kz.
Sýret: Soltústik Qazaqstan oblystyq ákimdiginiń baspasóz qyzmeti.