ASTANA. 2 naýryz. Ońtústik Qazaqstan oblysy Túrkistan qalasyndaǵy «Qýanysh» ortalyq bazary órtendi. Bul týraly oblystyq tótenshe jaǵdaılar jónindegi baspasóz qyzmeti habarlady.
О́rtti aýyzdyqtaýǵa 16 dana negizgi órt sóndirý tehnıkasy, 134 jeke quram men órtti sóndirýge sý jetkizip turý úshin «Aqjol» jáne «Túrkistan sý» JShS-terinen 2 dana 20 jáne 8 tonnalyq kólikter jumyldyrylǵan. О́rt 600 sharshy metr aýmaqty jaılaǵan.
Oqıǵa saldarynan atalǵan bazardyń bir kásipkeri dene kúıigin alyp, Túrkistan qalalyq aýrýhanasyna jetkizildi. О́rt ornyn oqshaýlaý jáne bazardaǵy múlikterdi talan-tarajǵa túsirmeý úshin Túrkistan qalasynyń ishki ister basqarmasynan 231 qyzmetker jumyldyrylǵan.
Qyzyl jalyn 7 saǵat 48 mınýtta oqshaýlanyp, 09 saǵat 37 mınýtta tolyqtaı sóndirildi.
О́rttiń shyǵý sebebi men keltirilgen materıaldyq shyǵynnyń kólemi anyqtalýda. Anyqtaý jumystaryn oblystyq ishki ister departamentiniń qyzmetkerleri júrgizýde.
Joldybaı Bazar.
Derek: Ońtústik Qazaqstan oblystyq tótenshe jaǵdaılar jónindegi baspasóz qyzmeti.
Sýret: alashainasy.kz.