Memleket basshysynyń «Qazaqstan Respýblıkasynyń orta bilim berý júıesine jasandy ıntellektini endirý jónindegi sharalar týraly» Jarlyǵynan keıin bilim salasyn jańǵyrtýdyń jańa kezeńi bastaldy. Atalǵan qujatta mektepterdi sıfrlyq ınfraqurylymmen qamtamasyz etý, oqytý sapasyn arttyrý, jasandy ıntellekt tehnologııalaryn kezeń-kezeńimen engizý máseleleri aıqyn belgilengen. Bul bastama bilim berý júıesin halyqaralyq talaptarǵa beıimdep, salany sapalandyrý maqsatyn kózdeıdi.
Osy oraıda Ulytaý oblysynda JI tehnologııalaryn bilim júıesine engizý josparǵa saı júzege asyrylyp jatyr. Máselen, aımaqtaǵy 87 bilim oshaǵynda «Sıfrlyq saýat» jáne «Informatıka» pánderi aıasynda, sondaı-aq pándik oqytýda da jasandy ıntellekt elementteri kómekshi qural retinde qoldanylady.
Sondaı-aq bilim berý uıymdarynda Testter.kz (EdooX.com), BilimLand, Google Workspace for Education platformasyndaǵy Gemini júıesi, Roqed AI, Aqyl AI platformalary paıdalanylyp, bilim alýshylardy UBT, MODO jáne halyqaralyq zertteýlerge (PISA, TIMSS, PIRLS) daıarlaý qolǵa alynǵan.
Aıtalyq, platformalardy bilim alýshylardy ulttyq biryńǵaı testileýge, oqýshylardyń bilim jetistigin monıtorıngileýge, syrtqy baqylaýlar, halyqaralyq zertteýlerge daıyndaý maqsatynda oqý úderisinde qoldanady. Sonymen qatar jeke oqý traektorııasyn qalyptastyrý men ınteraktıvti sıfrlyq kontent ázirleý múmkindigi qamtamasyz etilgen. Zamanaýı sıfrlyq bilim platformalaryn engizý bilim sapasyn arttyrady.
Jalpy, oblys kóleminde 5 341 pedagogtiń 3 547-si sıfrlandyrý jáne jasandy ıntellekti qoldaný baǵyttary boıynsha oqytýdan ótti. Bul kórsetkish oblys pedagogteriniń 66 paıyzdan astamyn qamtıdy. Sonymen birge pedagogıkalyq keńester men ádistemelik alańdarda jasandy ıntellektini qoldanýdyń etıkalyq normalary men derekterdi qorǵaý talaptary jáne akademııalyq adaldyq qaǵıdaty túsindirildi. Oqý úderisine jasandy ıntellektini kezeń-kezeńimen engizý boıynsha praktıkalyq usynymdar beriledi.
Jarlyqqa sáıkes, 2026 jylǵy 1 tamyzǵa deıin qanatqaqty jobany iske asyrý aıasynda mektepterdi tehnıkalyq jabdyqtarmen, onyń ishinde turaqty joǵary jyldamdyqty ınternetpen qamtamasyz etý kózdelgen.
Búginde oblystaǵy barlyq 87 bilim berý uıymy ınternet jelisine turaqty qosylǵan. О́tken jyly 46 mektep qanatqaqty rejimde «Starlink» jerseriktik tehnologııasyna qosylyp, shamamen 150 Mbıt/sekýnd jyldamdyqqa qol jetkizdi. Bul shalǵaı aýyl mektepterindegi oqýshylardyń sapaly sıfrlyq bilim resýrstaryna teń qoljetimdiligin qamtamasyz etýge jol ashyp otyr.
Oblystyq bilim basqarmasy basshysynyń orynbasary Maratbek Jaqypbekulynyń aıtýynsha, aımaqta pedagogterdiń jasandy ıntellekt tehnologııalaryn qoldaný dáristeri júıeli túrde ótip keledi.
«Búginde О́rleý» biliktilikti arttyrý ulttyq ortalyǵy muryndyq bolyp, 3 myń pedagog JI tehnologııalaryn meńgerý úshin arnaıy oqytýdan ótti. Sonymen qatar «Ustazga AI» jobasy aıasynda «Amanat» partııasymen birlesip, 547 pedagogke mamandandyrylǵan biliktilikti arttyrý kýrsy uıymdastyryldy. Atalǵan kýrstar praktıkalyq baǵytta qurylyp, JI quraldaryn sabaqqa engizý, ınnovasııalyq ádisterdi qoldaný jáne oqý úderisiniń sıfrlyq transformasııasyn qamtamasyz etýge arnalǵan», dedi ol.
Shynynda, bilim júıesin keshendi sıfrlyq transformasııalaý – ýaqyt talaby. Sondyqtan ony tıimdi paıdalaný oqytý sapasyn arttyryp, pedagogterdiń kásibı áleýetin kúsheıtýge, árbir oqýshyǵa sapaly bilim berýge múmkindik beredi.
Ulytaý oblysy