ALMATY. 19 tamyz. Qala əkimi Baýyrjan Baıbektiń buıryǵymen Erlan Əýkenov Almaty qalasy əkiminiń orynbasary qyzmetine taǵaıyndaldy. Endi ol jańa jumys ornynda ındýstrıaldy-ınnovasııalyq damý, saýda, ShOB, týrızm, tabıǵatty paıdalaný məselelerimen aınalysatyn bolady. Bul týraly egemen.kz habarlady.
Esterińizge sala keteıik, buǵan deıin Almaty qalasy ákiminiń orynbasary laýazymynda bolǵan Erbol Shormanov basqa jumysqa aýysýyna baılanysty bul qyzmetten ketti.
Erlan Muratuly Áýkenov – Almaty qalasynda týǵan. Ál-Farabı atyndaǵy Qazaq ulttyq ýnıversıtetiniń ekonomıka fakýltetin «Memlekettik jáne jergilikti basqarý» mamandyǵy boıynsha támamdaǵan. «Bolashaq» baǵdarlamasy boıynsha Bredford (Ulybrıtanııa) ýnıversıtetin «Memlekettik saıasat» mamandyǵy boıynsha, Halyqaralyq Bıznes Akademııasyn «Korporatıvti menedjment» mamandyǵy boıynsha bitirgen.
2002 jyldan 2007 jylǵa deıin bıznes qurylymdar men úkimettik emes uıymdarda jumys istegen.
2007 jyldan 2008 jylǵa deıin «Samǵaý» Ulttyq ǵylymı-tehnıkalyq holdıngtiń aktıvterin basqarý jónindegi departament dırektorynyń orynbasary, 2008 jyldan 2010 deıin Bilim jáne ǵylym mınıstrliginiń kómekshisi, keıin Bilim jáne ǵylym mınıstrligi departamentiniń dırektory qyzmetterin atqarǵan.
2010 jyldan 2011 jylǵa deıin Shyǵys Qazaqstan oblysy ákimi apparatynda basshy qyzmetterde bolǵan.
2011 jyldan 2014 jyldyń sáýirine deıin Prezıdent Ákimshiliginde memlekettik ınspektor laýazymynda (Qaraǵandy oblysy men Indýstrııa jáne jańa tehnologııalar mınıstrligine jetekshilik jasaǵan) eńbek etken.
2014 jyldyń sáýirinen Soltústik Qazaqstan oblysy ákiminiń kásipkerlikti damytý, ónerkásip, syrtqy ekonomıkalyq baılanys jáne týrızm máseleleri boıynsha orynbasary qyzmetin atqardy.
Talǵat Súıinbaı.
Derek, sýret: egemen.kz.