Jańalyq pen ǵylymdy, tehnologııany, tehnıkany óndirispen tyǵyz baılanystyrý maqsatyndaǵy «Indýstrııalyq-ınnovasııalyq damý» baǵdarlamasy arqyly memleketimizdiń ekonomıkasynyń durys jolǵa qoıylýyn qadaǵalaımyz. Sol sebepti, osy baǵytta atqarylyp jatqan asqaraly mindetter men tabandy eńbekterdiń barlyǵy el múddesin kózdeıdi.
Prezıdent janyndaǵy Ortalyq kommýnıkasııalar qyzmetinde ótken baspasóz máslıhatynda Investısııa jáne damý mınıstrligi Tehnologııa jáne ınnovasııalyq damý jónindegi departament dırektorynyń orynbasary Laýra Sadyqova atalǵan taqyryp tóńireginde keńinen áńgimeledi. «Aldaǵy bes jyldaǵy negizgi mindet – ekonomıkanyń dástúrli salalarynyń tehnologııalyq artta qalýyn joıý jáne jańa salalardyń damýyna negiz jasaý», dedi L.Sadyqova óz sózinde. Bul rette ol ındýstrııalyq-ınnovasııalyq damý baǵdarlamasynyń alǵashqy bes jyldyq qorytyndylaryna toqtala kele, mınıstrliktiń ınnovasııalyq úderisterdi odan ári qoldaýǵa baǵyttalǵan is-sharalarynyń josparymen tanystyrdy.
Onyń aıtýy boıynsha, mınıstrlik osyǵan oraı birqatar negizgi ındıkatorlardy belgilegen. Olardyń qataryna ınnovasııalyq belsendilikti 20%-ǵa arttyrý, ishki jalpy ónimdegi ınnovasııalyq ónimniń úlesin 2,5%-ǵa jetkizý, zertteý jumystary men synaq jobalaryna jumsalatyn ishki shyǵyn kólemin jalpy ónimniń 2%-yna deıin kóterý máseleleri kiredi. Onyń aıtýynsha, ekinshi besjyldyqtyń atalǵan jospary úshin ınnovasııalyq saıasatta eki áleýet belgilenip otyr. Onyń birinshisi – dástúrli salalardaǵy tehnologııalyq keıindeýdi qysqartý bolyp tabylady. Al ekinshisi, jańa baǵyttardy damytý. Munda bizdiń negizgi jumysymyz zamanaýı tehnologııalyq sheshimderdi júzege asyrýǵa baǵyttalǵan bıznesti júrgizý úshin qolaıly jaǵdaı jasaýǵa negizdeledi, dedi L.Sadyqova. «Osy oraıda biz 50 shaqty zańǵa ózgertýler men tolyqtyrýlar engizdik. Sondaı-aq, birqatar salalyq baǵdarlamalar qabyldanyp, elimiz úshin múldem jańa dep aıtýǵa bolatyn 400-ge jýyq ónim shyǵara bastadyq», dedi.
Sonymen qatar, osy jıynǵa qatysqan damý ınstıtýttarynyń jetekshileri bul kórsetkishterge jetý úshin qajettilik týdyratyn naqty sharalarǵa toqtalyp ótti. Atap aıtqanda Tehnologııalyq damý jónindegi ulttyq agenttik tóraǵasynyń orynbasary Jumataı Sálimov qazirgi ýaqytta agenttiktiń quzyrynda ınnovasııalyq jobalardy qoldaýǵa arnalǵan quraldardyń tutastaı tizbesi bar ekendigin aıtty. «Olar – eń aldymen ınnovasııalyq granttar, venchýrlyq qarjylandyrý, tehnologııalardy shet elderden transfertteý jáne eldegi ınnovasııalyq belsendilikti arttyrýǵa baǵyttalǵan túrli is-sharalar», dep atap ótti.
Byltyrǵy jyldyń ózinde memlekettik qoldaýǵa ıe bolǵan jobalardy júzege asyrý barysynda 1100-den astam jańa jumys orny ashylǵandyǵyn aıta otyryp, 930,3 mln. teńge kóleminde salyq tólenip, 33,3 mlrd. teńgege ónim shyǵarylǵandyǵyn málimdedi. Bul rette memleket tarapynan bólingen árbir teńgege 1,38 teńge jeke ınvestısııalar tartylǵandyǵy aıtyldy.
О́tken jyly memlekettik granttarǵa tapsyrylǵan ótinimder sany 50 paıyzǵa ósken. Bul ósim ónertapqyshtar arasynda júrgizilgen semınarlar men keńesterdiń arqasynda júzege asyp otyr. «О́nertapqyshtar men ınnovatorlardyń, rasıonalızatorlyq qabileti bar mamandardyń belsendiligin arttyrý maqsatynda agenttik jyl saıyn olarǵa arnap túrli baıqaýlar men kórmeler uıymdastyryp keledi. Tek byltyrǵy jyly osyndaı sharalardyń negizinde elimizdiń túkpir-túkpirinen 600-den astam ónertapqysh anyqtaldy jáne aldaǵy ýaqytta bul kásipqoı ınnovatorlarǵa memlekettik qoldaý kórsetilmek», degen J.Sálimov aldaǵy ýaqytta da otandyq ónertapqyshtar men ınnovatorlarǵa qoldaý kórsetilý jalǵasa beretindigin jetkizdi.
Elmıra MÁTIBAEVA,
«Egemen Qazaqstan».