«QTJ» UK» AQ prezıdenti Asqar Mamınniń Qytaıǵa jumys sapary bastalǵanyn budan buryn habarlaǵan edik. Sapardyń kelesi kezeńinde «Qazaqstan temir-jolynyń» basshysy Szıansý provınsııasynyń gýbernatory Lı Sıýeıýnmen kezdesti. Onyń barysynda «QTJ» UK» AQ-pen strategııalyq seriktestik týraly kelisimge qol qoıyldy.
Osy jerde atap kórsetetin bir jaıt – Szıansý provınsııasynyń turǵyndary 74 mıllıon bolsa, aımaqtyq ishki jalpy ónimi AQSh-tyń 1 trıllıon dollarynan asady. Al kezdesýge oralsaq, Lıanıýngan portynyń ǵajaıyp múmkindikteri saralana kele, onda Qazaqstan baǵytyna jiberiletin júkterdi jınaqtap, ony Ortalyq Azııa, Parsy shyǵanaǵy, Túrkııa, Eýropaǵa baǵyttaý úshin Lıanıýngan qalasynan ShYU logıstıkalyq aımaǵyn jasaqtaýǵa belsendi kirisý týraly pikirler aıtyldy.
Sonymen qatar, jobany júzege asyrýda «Qorǵas-Shyǵys qaqpasy» AEA-ny damytý jaıy da qarastyryldy. 2015 jylǵy bes aıda Lıanıýngan portynan Altynkól/Dostyq baǵytyna 141 konteınerlik poıyz jóneltilgen.
Asqar Mamınniń Shansı provınsııasynyń gýbernatory Loý Sınszıanmen kezdesý barysynda taraptardyń kóliktik-logıstıkalyq saladaǵy seriktestik aıasy áleýetiniń moldyǵy, birlesken kásiporyndy, mýltımodaldyq eksporttyq-ımporttyq, tranzıttik tasymaldaýdy barlyq jaǵynan qoldaý qajettigi aıtyldy.
Kezdesý sońynda úshjaqty kelisimge kelgen taraptar «QTJ ekspress» AQ, Sıan qurlyqtyq logıstıkalyq kompanııasy men halyqaralyq logıstıkalyq qurǵaq porty arasynda birlesken kásiporyn (BK) qurý týraly ortaq kelisimge qol qoıdy.
Qazaqstandyq delegasııa Shansı provınsııasynyń Sıan qalasynyń halyqaralyq logıstıkalyq qurǵaq portynyń jumysymen tanysty.
Anyqtama: Shansı QHR-dyń barynsha ekonomıkalyq jaǵynan damyǵan, Qytaıdyń ortalyq bóliginde ornalasqan provınsııasynyń birinen sanalady. Turǵyndary 37 mıllıon adam. Shansıdiń aımaqtyq ishki jalpy ónimi 287 mlrd. dollardy quraıdy, dep habarlady «QTJ» UK» AQ baspasóz qyzmeti.