ASTANA. 30 naýryz. О́zbekstanda Ortalyq saılaý komıssııasynyń málimeti boıynsha, saılaýshylardyń prezıdent saılaýyna qatysý deńgeıi 91,01 paıyz bolǵan. Bul týraly UZ 24 habarlady.
Ortalyq saılaý komıssııasynyń tóraǵasy Mırza-Ýlýgbek Abdýsalomovtyń keshe, 29 naýryz kúni keshke ótkizgen brıfınginde habarlaýynsha, eldegi 20,798 mln. saılaýshydan 18,928 mln. adam nemese jalpy saılaýshylardyń 91,01 paıyzy daýys bergen. Daýys sanaý saǵat 20:00-da bastaldy. Aldyn ala qorytyndy búgin jergilikti ýaqyt boıynsha saǵat 16:00-de jarııalanady.
Abdýsalomov sondaı-aq daýys berýdiń О́zbekstannnyń Eýropa men AQSh-taǵy elshilikterinde de júrip jatqanyn málimdedi. Aldyn ala málimet boıynsha, saılaý barysynda áldeqandaı bir saılaý zańnamasynyń buzylýshylyǵy týraly shaǵym túspegen.
О́zbekstanda prezıdent saılaýy 29 naýryz kúni jergilikti ýaqyt boıynsha 6:00 saǵatta barlyq 14 saılaý okrýgi boıynsha bastaldy. Saılaý ýchaskeleri Tashkent ýaqytymen 20:00 saǵatta jabyldy.
Murat Aıtqoja.