«Batys» óńirlik qolbasshylyǵynda zymyran áskerleri men artıllerııa jeke quramynyń lagerlik jıyndarynda qaırattylyq kórsetti. Bul shara bıylǵy jyldyń «Batys» óńirlik qolbasshysynyń orynbasary polkovnık Esbol Amanǵojaevtyń basshylyǵymen Aqtaý garnızonyna qarasty «Oımasha» oqý-jattyǵý polıgonynda ótti.
Jıyndy ótkizý maqsaty – batareıa, vzvod, bólimshe komandırleriniń ádistemelik sheberligin shyńdaý, kásibı biliktiligin arttyrý, tehnıka men qarý-jaraqty jáne onyń erekshelikterin meńgerý.
Belgilengen jospardaǵy № 10, № 16 tapsyrmalardy oryndaý boıynsha qarýdan oq atý uıymdastyryldy. Oǵan D-30 aspandata atatyn aýyr zeńbiregi, MT-12 zeńbiregi, 1200 mm mınometti batareıalar paıdalanyldy.
Tapsyrmany oryndaý barysynda áskerı qyzmetshiler jaqsy nátıjeler kórsetti. Atap aıtqanda, gvardııa serjanty J.Dáýletbaev D-30 aýyr zeńbireginen bir atqannan nysanaǵa dál tıgizdi. № 1 artıllerııalyq atýda 2-batareıa (batareıa komandıri gvardııa kapıtany A.Kenjeǵalıev) úzdik nátıje tanyta bildi.
«Egemen-aqparat».