“BIBI-ANA” QOǴAMY

ULTTYQ QOLО́NERDI DAMYTÝDY QOLǴA ALDY Balalar shyǵarmashylyǵy úıinde “Bıbi-Ana” múgedek áıelder respýb­lı­kalyq qoǵamynyń Pav­lo­dar oblystyq fılıa­lynyń uıym­das­tyrýymen múmkindigi shekteýli qyz-kelinshekterge arnalǵan semınar ótti. Semınarda alǵashqy sóz kezegin alǵan “Bıbi-Ana” múgedek áıelder respýb­lıkalyq qoǵamynyń Pav­lo­dar oblystyq fılıalynyń tó­raıy­my Naǵıma Bagırova basty maq­sat – múmkindigi shek­teýli jan­dardyń basyna túsken qasiretimen óziniń shaǵyn áleminde shektelip qalýyna jol bermeý, nurly bolashaqqa degen senim uıalatý, paı­daly isimen shuǵyldanýyna qoldaý kórsetý, aqyl-keńes berý ekenine toq­taldy. Birlestik músheleriniń qo­lynan shyqqan ulttyq kıimder men qolóner buıym­darynan ázir­lengen kórme týraly máli­met­ter­men tanystyrǵan Elena Koste­les­kaıa ulttyq qolónerdi qaıta jań­ǵyrtý, búgingi zamanǵa saı jasalǵan buıymdarǵa ulttyq órnekterdiń elementterin paıdalanýmen qatar, ózdiginen bilimderin jetildirýge, shyǵarmashylyq múmkin­dikterin damytýǵa zor múmkindik týatynyn atap ótti. Semınarǵa qatysýshylar oty­rys barysynda ózderiniń kókeı­lerinde júrgen usynys-tilekterin ortaǵa salyp, saýaldaryna jaýap aldy. “Bıbi-Ana” múgedek áıelder res­pý­b­lıkalyq qoǵamynyń Pav­lo­dar oblystyq fılıalynda áıelder men qyzdarǵa kórpe, qorjyn jáne taǵy basqa ulttyq kıimderdi tigý boıynsha apta saıyn sabaqtar júrgiziledi. Sondaı-aq, jyl boıy ulttyq kıimder men buıymdardy tigýdi úıretý maqsatynda Ertis, Aqtoǵaı, Aqsý, Ekibastuz qala­larynda semınarlar ótkizý jos­parlanǵan. Semınardyń sońynda Naǵıma Bagırova aǵymdaǵy jy­l­dyń qyrkúıek aıynda Pavlodar qalasynda aǵash pen kıizden, byl­ǵarydan, túrli matalardan jasalǵan buıymdardan ótetin kórmege belsendi qatysýǵa shaqyrdy. Syılyq qorynda eń tańdaýly jumystar úshin “Veritas” tigin mashınasy, tigin quraldarynyń jıyn­tyǵy men kóptegen turmysqa qajetti zattar bar. Aqbota SEISENBAEVA. Pavlodar oblysy, Aqsý qalasy.