Saýda mınıstrimen salıqaly áńgime

Astanada Qazaqstan Respýblıkasynyń Syrtqy ister mınıstri Erlan Ydyrysov Saýd Arabııasy Koroldiginiń Saýda jáne ındýs­trııa mınıstri Taýfık ar-Rabıamen kezdesý ótkizdi, dep habarlady Syrtqy ister mınıstrliginiń baspasóz qyzmeti. Taraptar ekijaqty qatynastar men halyqaralyq kún tártibiniń keń aýqymdy máselelerin talqylady. Suhbattastar saýda-ekonomıkalyq, ıadrolyq jáne jańǵyrtylmaly energetıka, munaı hımııasy, kólik salalarynda ekijaqty baılanystardy damytýǵa jáne ınvestısııalyq yntymaqtastyqty belsendilendirýge múddeliligin bildirdi. E.Ydyrysov Saýd Arabııasynyń Arab memleketter lıga­sy­nyń, Or­talyq Azııa elderi men Ázer­baı­jannyń ekonomı­kalyq forýmyn ótkizý bastamasyn joǵary baǵalap, óńirler ara­syndaǵy saýda-ekonomıkalyq baılanystardy odan ári nyǵaı­týdaǵy bul sharanyń zor mańyzyn atap ótti. Suhbattastar Kásip­kerler keńesiniń birlesken jumysyn qaıta jańǵyrtý qajet­tiligin rastap, ekijaqty keńes otyrysyn bıyl ótkizýge kelisti. E.Ydyrysov Qazaqstan Saýd Arabııasyn arab jáne musyl­man áleminde mańyzdy seriktes retinde qarastyratynyn atap ótti. «Qazaqstan men Saýd Arabııa­synyń halyqaralyq jáne óńir­lik ózekti máseleler boıynsha ustanymdary ortaq nemese uqsas. Jahandyq qaýipsizdikti nyǵaıtýǵa, lańkestikpen kúresý­ge, órkenıetter únqatysýy úrdisin damytýǵa baǵyttalǵan eki el bas­tamalary árqashan da úndes keledi», – dep málimdedi   E.Ydy­rysov. Eki memleket tarapynan qarýsyzdaný, qaýipsizdikti nyǵaıtý, órkenıetter únqatysýy jáne t.b. máseleler boıynsha BUU jáne ózge halyqaralyq, óńirlik uıymdar sheńberinde tyǵyz yqpaldasýǵa múddelilik bildirildi. E.Ydyrysov Qazaqstan Prezı­den­tiniń Álemdik jáne dástúrli dinder kóshbasshylarynyń sezin sha­qyrý jónindegi bastamasyn, 2017-2018 jyldary BUU Qaýipsizdik Keńesiniń turaqty emes músheligine kandıdatýrasyn jáne Astanada halyqaralyq mamandandyrylǵan EKSPO-2017 kórmesin qoldaǵany úshin Saýd Arabııasyna alǵysyn bildirdi. «Egemen-aqparat».