TARAZ. 20 tamyz. «Qazaqstan halyqtarynyń tilderi kúni» merekesi qarsańynda Memlekettik qyzmet isteri jáne sybaılas jemqorlyqqa qarsy is-qımyl agenttiginiń Jambyl oblysy boıynsha departamentiniń uıymdastyrýymen Ońtústik aımaqtyq departamentter arasynda «Til mártebesi – el mártebesi» baıqaýy ótkizildi. Bul týraly egemen.kz tilshisi habarlady.
Baıqaýdyń maqsaty – memleketti til saıasatyn iske asyrý, qazaqstandyq patrıotızmdi qalyptastyrý, memlekettik tilge, ulttyq salt-dástúrge degen qurmetti arttyrý, qyzmetkerlerdiń qazaq tilin bilý jáne jumys babynda paıdalaný deńgeıin anyqtaý, memlekettik tildi paıdalanýdyń aýqymyn keńeıtý jáne mamandardyń shyǵarmashylyq áleýetin shyńdaý bolyp tabylady.
Baıqaýǵa «Qyran», «Jetisý jastary», «Jalyn», «Til janashyrlary» jáne «Tilsaýyt» toptary qatysty. Olardyń árqaısynyń mádenı baǵdarlamalary, urany men belgileri boldy. Saıysqa qatysýshylar pikir saıystyryp, qyzmetshiler týraly úzdik beınerolıkter usynyp, patrıottyq ánder shyrqap, ulttyq sal-dástúrden kórinister kórsetti.
Nátıjesinde úshinshi oryndy Almaty oblysynan kelgen «Jalyn» toby ıelendi. Ekinshi oryn Jambyl oblysynyń atynan baq synaǵan «Qyran» tobyna tabys etildi, al Almaty qalasynan kelgen «Jetisý jastary» birinshi orynǵa ıe boldy.
Jeńimpazdarǵa maqtaý qaǵazdary men syılyqtar berilip, erekshe óner kórsetken qatysýshylar alǵys hattarmen marapattaldy.
Oralhan Dáýit.
Derek, sýret: egemen.kz.