Qarjy baqylaý organdary ókilderi bas qosty

Ústimizdegi jylǵy 2-4 naýryz aralyǵynda BUU-nyń Venadaǵy bólimshesinde Joǵary qarjy baqylaý organdary halyqaralyq uıymynyń (INTOSAI) «2015 jyldan keıingi kezeńde BUU-nyń damýy boıynsha kún tártibi: joǵary qarjy baqylaý organdarynyń ornyqty damýdy qamtamasyz etýdegi róli men iske asyrý quraldary» taqyrybyna arnalǵan 23-shi sımpozıým ótti. Is-sharany Aýstrııanyń federaldy prezıdenti Haıns Fısher ashty. BUU Bas hatshysynyń ekonomıkalyq jáne áleýmettik máseleler jónindegi orynbasary Vý Hongbo, BUU Bas hatshysynyń ishki aýdıt qyzmeti jónindegi orynbasary Karman Lapoınte jáne INTOSAI Bas hatshysy Djozef Mozer sımpozıýmǵa qatysýshy­lar­dy quttyqtap, sóz sóıledi. Sımpozıýmǵa Qazaqstan Res­pýb­lıkasy Esep komıtetiniń tóra­ǵasy Qozy-Kórpesh Jańbyrshın bas­­taǵan delegasııa qatysty. Basqa el­derdiń joǵary qarjy baqylaý organdarynyń basshylarymen eki­jaqty yntymaqtastyqty talqylaý maqsatynda sımpozıým sheńberinde Q.Jańbyrshın birqatar ekijaqty kezdesýler ótkizdi. «Egemen-aqparat».