ASTANA. 30 maýsym. Lıberııa memleketiniń Densaýlyq saqtaý mınıstrligi sońǵy bir jarym aıda gemorragııalyq ebola bezgeginiń alǵashqy deregin tirkedi. Vırýstan qaza bolǵan 17 jastaǵy jasóspirimnen juqpaly indet tabylǵan. Bul týraly 24today.net habarlady.
Vedomstva basshysynyń orynbasary Tolbert Nensvtiń sózine qaraǵanda, qazirgi tańda dárigerler bezgek dertinen kóz jumǵan marqumnyń ómiriniń sońǵy kúnderi qaı jerlerde bolǵanyn anyqtaýǵa tyrysýda. Lıberııa halqyn saq bolýǵa shaqyrǵan Tolbert Nensv dúrligýge esh sebep joq ekenin de atap ótti.
Kórshi eki memleket – Gvıneıa men Serra-Leonede ebola dertin juqtyrǵandar sanynyń artqany baıqalady. Indettiń órshýi Batys Afrıkada jaýyn-shashyn maýsymynyń bastalýymen qatar kelip otyr.
Dúnıejúzilik densaýlyq saqtaý uıymynyń málimetterine súıensek, gemorragııalyq bezgek indetiniń taralý tarıhynda eń kóp qurbandar sany 11 myń adamnan asqan.
Elaman Qońyr.
Derek, sýret: 24today.net.