PAVLODAR. 30 maýsym. Oblysta óńiraralyq yntymaqtastyq baılanysty nyǵaıtý maqsatynda Mańǵystaý oblysynyń delegasııasy bolyp qaıtty. Bul týraly egemen.kz tilshisi habarlady.
Munyń aldynda Pavlodar oblysy Mańǵystaýǵa baryp, kelisimderge qol qoıyp qaıtqan edi. Endigi kezekte oblys ortalyǵynda eki óńirdiń kásipkerleri kezdesip, saýda - ekonomıkalyq jıyn ótkizdi.
Oblys ortalyǵyndaǵy iri óndiris oryndaryn aralap, olardyń shyǵaratyn ónimderimen tanysty. Sóıtip, «Mańǵystaý jemis-kókónis termınaly» JShS-ne Pavlodar oblysynyń kásipkerleri kúzge deıin 100 000 tonna kartop, 50 000 tonna kókónis (sábiz, qyryqqabat) jetkizý jaıynda qujattardy rásimdedi.
Kelisim-sharttyń jalpy quny - 7,5 mlrd. teńge. Aqtaý teńiz portyna ónim tasymaldaý el ekonomıkasynyń damýyna osylaı úles qospaqshy. Mańǵystaýlyqtar da Pavlodar oblysyna óz ónimderin, qurylysqa qajetti materıaldaryn jetkizbekshi. Al, bıyl jaz aılarynda mańǵystaýlyq 100 bala Baıanaýyldaǵy «Qarlyǵash» balalar saýyqtyrý lagerinde demalady.
Oblysqa eki kúndik is-sapardyń jalǵasy Estaı atyndaǵy mádenet saraıynda «Qurmet» ordeniniń ıegeri, ánshi Tamara Asardyń qatysýymen ótken gala-konsertpen aıaqtaldy.
Farıda Byqaı.
Derek, sýret: egemen.kz