ASTANA. 30 maýsym. Memleket basshysy Izraıl premer-mınıstri Bınıamın Netanıahýmen telefon arqyly sóılesti. Bul týraly akorda.kz habarlady.
Izraıl premer-mınıstri barsha musylmandar úshin qasıetti Ramazan aıyna baılanysty Nursultan Nazarbaevqa shynaıy quttyqtaýyn jetkizdi.
Memleket basshysy Bınıamın Netanıahýdy Izraıl premer-mınıstri laýazymyna qaıta saılanýymen quttyqtap, jaýapty qyzmetine tabys tiledi.
Áńgime barysynda taraptar Qazaqstan-Izraıl yntymaqtastyǵynyń basymdyǵy bar baǵyttaryn talqylap, saýda-ekonomıka jáne ınvestısııa salalaryndaǵy, sondaı-aq, halyqaralyq uıymdar aıasyndaǵy ózara is-qımyldy jandandyrý joldaryn belgiledi.
Telefon arqyly sóılesýge Izraıl jaǵy bastamashylyq etti.
Elaman Qońyr.
Derek, sýret: akorda.kz.