Magnıtýdasy 7,1 balǵa jetken bul zilzalanyń epısentri Everest taýyna jaqyn ornalasqan Namche-Bazar eldi mekenniń janynda bolǵan. Úndistan meteorologtarynyń deregi boıynsha, jerasty silkinisteri jergilikti ýaqyt boıynsha 12.35-te bastalyp birneshe mınýtqa sozylǵan. Jer silkinisiniń naǵyz kindigi 10 shaqyrym tereńdikte oryn alǵan.
Sáýir aıynan beri kún saıyn oryn alatyn zilzaladan zárezap bolǵan Katmandý qalasynyń turǵyndary qurylys ǵımarattarynyń janyna jaqyndamaı, únemi ashyq aspan astynda túnep keledi. Solaı bola tursa da, jergilikti bıliktiń málimdeýinshe, sońǵy zilzaladan ondaǵan adam qaza bolyp, myńdaǵan turǵyndar zardap shekken. Budan buryn «Dıalog» agenttigi Nepalda laı kóshkini bastalýyna baılanysty jer silkinisinen zardap shekkenderdi izdestirý sharalary toqtatylǵanyn málimdegen bolatyn. Sońǵy jer silkinisine baılanysty qutqarý sharalary qaıta jandandyryldy. Tek bir táýliktiń ishinde qutqarýshylar Langtang ulttyq parkinde ornalasqan derevnıadan 120 adamnyń múrdesin tapqan. «Alaıda, Langtang ulttyq parki ornalasqan mańaıda jıi-jıi laı kóshkinderi oryn alýda. Sondyqtan, qutqarýshylardyń jumysyn jalǵastyrýyna eshbir múmkindik bolmaı tur. Olar qazir jumystaryn ýaqytsha toqtatýǵa májbúr», dep habarlady jergilikti bılik sheneýnigi Gaýtama Rımal Reıter agenttigine.
Sońǵy málimetter boıynsha, Nepalda bolǵan zilzala zardaptarynyń qurbandary 8 myńnan asyp, 17576 adam ártúrli jaraqattar alǵan.